لە ڕۆژئاوا گەڕێن...خۆیان باشتر ئەزانن!

لوقمان غەفوور
کۆڵن کاھل نووسەر و ڕاوێژکاری سیاسی پێشووی کۆشکی سپی و ڕوێژکاری ئاسایشی نەتەوەیی پێشوی جێگری سەرۆکی ئەمریکا لە ئەی بی سی نیوز، سێ ڕۆژ لەمەوبەر چاوپێکەوتنێکی پڕ سەلیقەی کرد. لە بڕگەیەکدا کە سەرنجی ڕاکێشام وتی کوردەکان (پەیەدە) کە ھێزی سەرەکی ھەسەدەیە لەگەڵ ئەمریکاییەکان پێش ١٠ی ئۆکتۆبەر و ھێرشەکانی تورکیا ڕازی بوون کە چەند کیلۆمەترێک بکشێنەوە. بەڵام کاتێک کە پەیەدە داواکەی گەیاندۆتە سەرکردایەتی پەکەکە ئەوان ڕەتیانکردۆتەوە. ئەمریکا لە ٢٠١٥ ەوە کە ھێزەکانی سوریای دیموکرات دامەزراوە دەیەوێت پەیەدە لە پەکەکە دابڕێت. ھەمیشە ئەم ڕەخنەیەی لە پەیەدە ھەبووە بۆئەوەی ناوچەیەکی دوور لە کێشە دەستەبەرکەن ئەبێت لەسەرکردایەتی پەکەکە دوورکەونەوە.
دوای چەند ڕۆژ شەڕکردن پرۆژەکەی ئەمریکا ھەمان پڕۆژەی پێشووی ڕێکەوتنەکەی نێوان ھەسەدە و ئەمریکا کە ئێستا جێبەجێ ئەبێت. بۆیە ئەوەی کە پێویستە دوای ئەم قۆناغە، کورد لە ڕۆژئاوا ھەنگاوی بۆ بنێت خۆڕێکخستنەوە و دەستکردن بە ئیدارەیەکی نوێ لەو ناوچانەی کە ئەوێتە ژێر دەستی. نمونەیەکی جوان پیشانی ناوچەکانی تر بدات بۆئەوەی لەئایندەدا ئەو ناوچە ئارامەی کە بە قوڵی ٢٠ مایل دروستدەکرێت مەبەستەکەشی لە نوسینەکانی پێشترمدا ڕوونمکردۆتەوە، بگەڕێتەوە ژێر دەستی و خۆی ئیدارەی بدات. چونکە وەک دەزانین دیمۆگرافیای ڕۆژئاوا وەک باشور و خۆرھەڵات نییە. عەرەب لە ھەندێک ناوچەی ڕۆژئاوای کوردستان نیشتەجێیە، وەک چۆن تائێستا ئەم پێکەوەییە پارێزراوە لەژێر چەتری ھەسەدە-دا، پێویستە گەشەسەندووتر بێت. ئینسان ئەگەر بیەوێت خانوویەک پێکەوە نێت، ئەتوانی سەرەتا لە ھۆدەیەکەوە دەست پێبکات.
لەھەمانکاتدا ئەوەی پێویستە ئەوەیە پەکەکە ئەبێت پیاچوونەوە بە سیاسەتی خۆیدا بکات. ناکرێت لەیەککاتدا خۆی وەک دۆستی ئەمریکا نیشان بدات لەناو منداڵدانی پەیەدەدا و لەباکگراوەنددا بەدیدو تێڕوانین و فەلسەفەی ڕوسیا بجوڵێتەوە و دڵی لەتەنیشت دڵی ئێرانەوە بێت. چونکە ھاوکێشەکە لەقازانجی خۆرئاوا کۆتایی نایەت.
سەرکردەکانی پەیەدە کە دڵی ھێزەکانی ھەسەدە-ن، خۆیان دڵنیان لەوەی زەحمەتە یاخیبوون لە ئەمریکا. ھەر بۆیە پێشتریش ڕازی بوون لەسەر پاشەکشە لەچەند کێلۆمەترێک، ئێستاش بە ڕێکەوتنەکە ڕازین، چونکە ڕوسیا باوکی ڕژێمەکەی ئەسەدە. ناکرێت باوک منداڵەکەی بکات بە قوربانی منداڵی کەسێکی تر، بۆیە لای ئەوان ھەر ئەمریکا بە گونجاوتر و باشتر ئەزانن.
من ئەزانم ڕەفتاری سەرۆک ترەمپ ئەگۆڕێت بەگۆڕینی فشاری سەرکردەی کۆمارییەکان نەک دیموکراتەکان. ئەوانەی شیکاری دۆخی ئەمریکا دەکەن کەمتر شارەزان لەوەی کە لەناو کۆمارییەکان تەنیا سەرکردە کە بتوانێت ڕای سەرۆک ترەمپ بگۆڕێت میتچ ماکنۆڵ سەرکردەی کۆمارییەکانە لە ئەنجومەنی نوێنەران. کاتێک ماکنۆڵ ناڕازیی بوو لە کەیسێک ئەوا ترەمپ پەشیمان دەبێتەوە، ھەر ئەویش بووە کە لیندسی گراھام-ی ڕاسپارد کە پەلە بکات لە پڕۆژە یاسایەک بۆ سەپاندنی سزا بەسەر تورکیاو کەیسەکەی جوڵاند تا لە ژێر چنگی دیموکراتەکانی دەربێنن یان ھەر ھیچ نەبێت پڕۆژەیەکی پێکەوە بێت. کەیسی کوردانی خۆرئاواش یەکێک لەو کەیسانە بوو.
ئەوەی ماوەتەوە ئەوەیە بۆ ھەموو ئەوانەی کە نامەم بۆ ئەنێرن لەسەر بابەتەکان. من سۆزدارییانە نانووسم و باسی کوردایەتی لەنوسیندا بە خوێنەرەکانم ناڵێمەوە. من شیکاری دوو شت دەکەم و ئەیگوازمەوە، یەکەم: ئەوەی لەمیدیا بە تایبەتی بینراو و چاپکراو بەرچاوم ئەکەوێت. دووەم: ئەو پەیوەندییانەی ھەمن لەگەڵ کۆمەلێک ڕۆژنامەنووس و مامۆستاو خەڵکە ئەمریکییە ئاساییانەی ڕۆژانە ئەیانبینم کە زۆرجار تەنیا دێڕێکیش بێت بۆ من گرنگە و گوێیان لێئەگرم و قسەکانیان بەھەند وەرەگرم. بەدەر لەمە نووسینێک کوردایەتی لێبچۆڕێت جێدێڵم بۆ ئەوانەی کە حەزیان لێیە بەو شێوە بنووسن.
به‌روار:  18/10/2019
311   جار خوێندراوه‌ته‌وه
  بابه‌تی زیاتر ...
دوو سەرخۆش لەنادیەک بەیەکەوە دانیشتوون و قسە دەکەن لەولاشەوە کابرایەک گوێی لێ گرتوون یەکەمیان بە دووەمیان دەڵێت ماڵتان لە کوێیە؟ دووەم :ماڵمان لەگەڕەکی هەوارە بەرزەیە. یەکەم:ئ درێژه‌ ...
رووه‌كی حه‌شیشه‌، چاره‌سه‌ری كۆرۆنا ده‌كات لوقمان غه‌فوور به‌م دواییه‌ توێژه‌ره‌وانی زانكۆی لیسبریدج له‌ هه‌رێمی ئه‌لبرتا-ی كه‌نه‌دا ئه‌نجامی توێژینه‌وه‌یه‌كیان خستۆته‌ڕوو كه‌ درێژه‌ ...
منداڵ بووم کۆمەڵێک بزنمان هەبوو لە ئەندازە و باڵادا هەموویان وەک یەک بوون تەنها یەکێکیان نەبێت. ووتم: باپیرە بۆ ئەو بزنە لە هەموویان گەورەتر و باڵای بەرزترە؟ باپیرم ووتی: کو درێژه‌ ...
جاران وابوو سلێمانی ،وام ئەزانی كۆڵانێكــــــــــە وامئەزانێ ئائەم شارە،غونچەو گوڵی گوڵدانێكــــە وامئەزانی گشت ڕوناكی ئائەم شارە بۆ من مۆمـن وامئەزانی درەختەكان لەحەوشەكەی ماڵ درێژه‌ ...
به‌رازیل هێدی هێدی ئه‌مرێت لوقمان غه‌فوور تا دێت به‌ پێچه‌وانه‌ی پێشبینییه‌كانه‌وه‌، مردن له‌ به‌رازیل هه‌ڵه‌كشێت. چوار رۆژه‌ به‌رازیل په‌یتا په‌یتا، رۆژ نییه‌ هه‌زار كه‌سی نه‌ درێژه‌ ...
بەتۆمەتی دەستگەیشتن بە سیستمی ناوەندی بانگدان و پەخشکردنی گۆرانی "بێلاچاو" لە بڵندگۆی مزگەوتەکانی شاری ئیزمیر، پۆلیسی تورکیا ژنێکی دەستگیرکرد. رۆژی پێنجشەممە ٢١ی ئایار، بەهۆی پە درێژه‌ ...
کۆمەڵێک نهێنی لە پشتی ناشرینترین ئافرەتی جیهان ئەم ئافرەتە ڕەنگە زۆربەتان شتتان لەسەر خوێندبێتەوە یان فیلمەکەیتان بینیبێ ئەگەر نازانن کێیە ئەم مرۆڤە ... نـــاوی ( ماری ئان پی درێژه‌ ...
قەبولکردنی لەدەستدانی ئازیزێکی نزیک لە ناکاو بە کۆرۆنا چۆنە و چەندە زەحمەتە؟ نووسەر و هەڵبەستوان بۆ نیە جگەرخوین لە وتووێژێکی تایبەتدا بۆ بەشی کوردی ڕادیۆی سوید باسی کۆچی دووایی ب درێژه‌ ...
خه‌لیل ئیبراهیم وته‌بێژی فه‌رمی یه‌كگرتووی ئیسلامی كوردستان ڕه‌تیده‌كاته‌وه‌ یه‌كگرتوو ده‌ستی هه‌بوبێت له‌خۆپیشاندانه‌كانی شاری دهۆك و ده‌ڵێت" ئه‌وه‌ ناڕاسته‌ و نادروسته‌ كه‌ ده‌بی درێژه‌ ...
وام بیستووە 😀 د. شێركۆ عەبدوڵڵا نەقڵی کفر کفر نییە ئەڵێن: *مەسئولە گەورەکانی وەزارەتی پەروەردەش مناڵەکانیان خستووەتە شوەیفات. *گۆڕانیش کە لە سیاسەت تێ ئەگات ئەبێ بە پارت درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   169
کۆی سه‌ردان:   19554189