|
کۆچەر بیرکار بە "یەکەم بیرمەندی جیهان" بۆ ساڵی 2019 هەڵبژێردرا
خەندان-
رێکەوتی 28ی مانگی تەموزی ئەمسال، رۆژنامەی پرۆسپێكت-ی بریتانی، پێشبڕكێیەكی بۆ هەڵبژاردنی باشترین بیرمەندی ساڵ راگەیاندوە، كە ناوی 50 بیرمەندی تێدابو و یەكێك لە بیرمەندەكانیش گەورە بیرمەندی كورد كۆچەر بیركار بو، ئەمرۆ ناوبراو بە یەکەم بیرمەندی ساڵ هەلبژێردرا.
بەپێی پرۆسپێكت، ئەنجامی هەڵبژاردنەكە كاردەكاتە سەر خزمەتگوزاریە مرۆییەكان بە تەواوی جیهان و ریزبەندی لیستی ئەو بیرمەندانە رونیدەكاتەوە كە تواناكانیان تا چەند دەتوانێت جیاوازی لە هەسارەكەماندا دروستبكات.
بایۆگرافی کۆچەر بیرکار
کۆچەر، لە ساڵی 1978 لە شاری مەریوان لە رۆژهەڵاتی کوردستان لە دایک بووە، خوێندنی بنەرەتی و ناوەندیی و دواناوەندی لە مەریوان تەواوکردووە، پاشان بۆ خوێندنی زانکۆ روودەکاتە شاری تاران و لە زانکۆی تاران براوانامەی بەکالۆریۆس لە ماتماتیکدا بەدەست دەهێنێت.
دوای تەواوکردنی خوێندنی زانکۆ، وەک پەنابەر روو دەکاتە وڵاتی بەریتانیا و لە ماوەی نێوان ساڵانی 2001- 2004 بروانامەی دکتۆرا (PhD) لە ماتماتیکدا لە زانکۆی نۆتینگهام بەدەست دەهێنێت، لە ساڵی 2003 دا خەڵاتی جڤاتی بیرکاریانەی لەندەن( London Mathematical Society) ی پێبەخشرا وەک "ئایندەرۆشترین خوێندکاری دکتۆرا" ئەو شەرەفەی پێبەخشرا.
وەک یەکێک لە چالاکترین و کاراترین ماتماتیکزانە هاوچەرخەکان دادەنرێت لە سەرانسەری جیهامدا لە بواری ئەندازە و جەبر و هاوکێشە ئاڵۆز و فرەژمارەییەکاندا.
ئەو خەڵاتانەی کۆچەر بەدەستی هێناون
کۆچەر بیرکار، پێشتر چەندین خەڵاتی گرنگ و بە بەهای بەدەستهێناوە، لە گرنگترینەکانی ئەمانەن:
١-
خەڵاتی فلیپ لێڤەرهولم؛ خەڵاتێکی تایبەتە بەو کەسانەی توێژینەوەیکی نوێ دەکەن و شوناسێکی جیهانیی بەو توێژینرەوەیە بۆ خۆیان تۆمار دەکەن، بەهای ئەو خەڵاتە ١٠٠ هەزار پاوەندە ساڵانە لە جیهاندا بە ٣٠ کەس دەبەخشرێت.
٢-
خەڵاتێکی تایبەت لە میانی بەشداری لە (Fondation Sciences Mathématiques de Paris)، کە کێبرکێییەکە بۆ باشترین توێژەرەکانی بواری ماتماتیک لە پاریس بەڕێوەدەچێت.
٣-
خەڵاتی رێزلێنان لەلایەن جڤاتی ماتماتیکیی ئەمەریکا.
٤-
خەڵاتی بوار (بواری ماتماتیک) 2018، بەهاکەی 15 هەزار دۆلارە
به‌روار: 03/09/2019
458 جار خوێندراوه‌ته‌وه
|