|
دادگای تورکیا بڕیاری ئازاد کردنی دەمیرتاشی دەرکرد
خەندان-
ئەمڕۆ دادگای باڵای ئه‌نقه‌ره، سه‌لاحه‌دین ده‌میرتاش، هاوسه‌رۆكی پێشوی هه‌ده‌په‌ی لەو دۆسیانە بەبێتاوان لەقەڵەمدا كە پێشتر لەسەری دەستیگركراوەو بڕیاری ئازادكردنی دەركرد، بەڵام بەهۆی ئەوەی كۆمەڵێك دۆسیەی دیكەی لە دژ گیراوەتە بەر لە زیندان دەمێنێتەوە.
بەپێی سەرچاوە هەواڵییەكانی توركیا، سەڵاحەدین دەمیرتاش، لەو دانیشتنەدا لەڕێگەی تێلكۆنفرانسەوە بەشداریكرد و تیایدا لەو دۆسیانە بێتاوان لەقەمدرا كە پێشتر لەسەری دەستگیركرابو كە خۆی لە بانگەشەکردن بۆ رێکخراوی تیرۆریستی و پێشێلکردنی یاسای خۆپێشاندان و هاندانی خەڵک بۆ پابەندنەبون بە یاسا كۆمەڵێك دۆسیەی دیكە دەبینیەوە.
لە دانیشتنەكەدا دادگای باڵای ئەنقەرە بڕیاریدا، سەڵاحەدین دەمیرتاش ئازادبكرێت، بەڵام بە گوێرەی سەرچاوە هەواڵییەكان لەبەر ئەوەی سەڵاحەدین دەمیرتاش بە كۆمەڵێك دۆسیەی دیكە تۆمەتبار كراوە، بۆیە تا یەكلاكردنەوەی ئەو دۆسیانەی دیكە لە زیندان دەمێنێتەوە
به‌روار: 02/09/2019
487 جار خوێندراوه‌ته‌وه
|