|
پیاوێک ژنەکەی و دوومناڵی خۆی لە ڕۆژهەڵات دەکوژێت
خەندان-
ڕێکخراوی هەنگاو بۆ مافەکانی مرۆڤ رایگەیاند، دو ژن لەلایەن كەسانی نزیك خۆیانەوە كوژراون.
ڕێکخراوی هەنگاو بۆ مافەکانی مرۆڤ لە راپۆرتێكدا بڵاویكردەوە، شەوی چوارشەممە 28ی ئابی 2019 ژنێک و دو منداڵەکەی لە یەکێک لە گەڕەکەکانی شاری خوڕەمئاوا لەلایەن مێردەکەیەوە کوژراون.
هاوژینی ئەو ژنە لەلایەن پۆلیسەوە دەستبەسەر کراوە و ڕایگەیاندوە کە ژن و منداڵەکانم بە هۆی کێشەی خێزانییەوە کوشتوە
بەگوێرەی رێكخراوەكە،" ئەو ژنەی کە کوژراوە ناوی (مانیا دەریکوەند) بوە و دو منداڵەکەشی بە ناوەکانی (سەید زەحا و سەید ڕەزا موسەوی) کوژراون.
ئاماژە بەوەشكراوە كە هاوژینی ئەو ژنە لەلایەن پۆلیسەوە دەستبەسەر کراوە و ڕایگەیاندوە کە ژن و منداڵەکانم بە هۆی کێشەی خێزانییەوە کوشتوە.
ژنێکی تەمەن 53 ساڵی خەڵکی سنە بە ناوی ”سەحەر ڕوستەمی“ لە گەڕەکی بەهارستانی ئەو شارە كوژراوە
هەر بەگوێرەی رێكخراوەكە ڕۆژی دووشەممە ژنێکی تەمەن 53 ساڵی خەڵکی سنە بە ناوی ”سەحەر ڕوستەمی“ لە گەڕەکی بەهارستانی ئەو شارە و لە ناو پارکینگی ماڵەکەی خۆیدا کوژراوە و دواتر بکوژەکان تەرمەکیان خستوەتە ناو بەنداوی قشڵاخەوە.
ئەوەشخراوەتەرو كە هۆكاری كوشتنی ژنەكە بەمەبەستی دزینی زێڕەكانی بوە
وێنەکە ئەرشیفە
به‌روار: 31/08/2019
524 جار خوێندراوه‌ته‌وه
|