چیرۆكی كوژرانی ژنە كوردێكی بەریتانیا دەكرێتە دراما
رووداو 

13 ساڵ دوای رووداوەكە، چیرۆكی بەناز مەحموود كە بەدەستی كەسوكاری كوژرا، دەكرێتە درامایەكی تەلەفزیۆنی. چیرۆكی دراماكە لەبارەی لێكۆڵینەوە لە دۆسیەی كوژرانی ئەو ژنەیە، خوشكی بەناز پێیوایە ئەو درامایە باسی خوشكی ئەو ناكات.

چیرۆكی دراماكە لەبارەی هەوڵەكانی لێكۆڵەرێكی پۆلیس بەناوی كارۆلین گوودە كە لە 2006 هەوڵی دۆزینەوەی ئەنجامدەرانی تاوانی كوشتنی بەنازی دابوو. كارۆلین لە لێدوانێكدا بۆ رۆژنامەی (زی سان)ی بەریتانی دەڵێ: "لە زۆربەی كەیسەكانی كوشتندا مەسەلەكە ئەوەیە دادپەروەری بۆ خێزانەكە بگەڕێنیتەوە، بەڵام لەو كەیسەیاندا دەمویست هەق بۆ بەناز بگەڕێنمەوە". ئەوەش سەرەڕای هەوڵەكانی خێزانەكەی بۆ پەردەپۆشكردنی رووداوەكە.

هەواڵی دروستكردنی دراماكە لە تۆڕە كۆمەڵایەتییەكاندا ناڕەزایەتی لێكەوتووەتەوە و بەرهەمهێنەرانی دراماكە لە تەلەڤزیۆنی  (ITV)ی بەریتانی بە پەردەپۆشكردنی چیرۆكەكە تۆمەتبار دەكرێن، بەڵام بەرپرسانی تەلەڤزیۆنە بەریتانییەكە دەڵێن ئەوان لەگەڵ خوشكی بەنازدا قسەیان كردووە و رێگەیان پێدراوە.

پاییز مەحموود، خوشكی بەناز، لە هەڤپەیڤینێكدا لەگەڵ تۆڕی میدیایی (بی بی سی)ی بەریتانی دەڵێ: "بەڕاستی ئەوە لای من جێی قەبووڵ نییە كە دەبینم ئەوان ئەو گۆشەیەیان هەڵبژاردووە كاری لەسەر بكەن، چونكە ئەمە چیرۆكی بەناز نییە، ئەمە چیرۆكی كەسێكی دیكەیە".

سیناریۆی درامای شەرەف  (Honour) لەلایەن گوینیس هیوز، دەرهێنەر و سیناریۆنووسی بەناوبانگی بەریتانییەوە نووسراوە و ئەكتەری بەناوبانگی بەریتانی كیلی هیوز رۆڵی كارۆلین گوود دەگێڕێ. گوتەبێژی (ITV)  بە رۆژنامەی (زی سان) دەڵێ: "گوینیس هیوز، كە سیناریۆی شەرەفی نووسیوە، بە درێژی لەگەڵ پاییزی خوشكە بچووكی بەنازدا قسەی كردووە"، بۆ ئەوەی رەزامەندییان بداتێ. 

پاییز كە هەڵمەتێكی دژی كوشتن لەسەر شەرەف دەستپێكردووە، پێیوایە "ئەوە چیرۆكی كەسێكە بەشێوەیەكی تراژیدی گیانی لەدەستداوە، نەك ئەوەی كەسێك بێت و چیرۆكی خۆی تێدا بگێڕێتەوە. پێموانییە ئەمە رێزلێنان بێ لە بەناز"، جەخت لەوەش دەكاتەوە كە ئەوانەی كاری لێكۆڵینەوەیان بۆ ئامادەكردنی دراماكە كردووە، پرس و راوێژیان بەوان نەكردووە و ئەوان لە تۆڕە كۆمەڵایەتییەكان زانیویانە شتێكی وەها بەڕێوەیە.

بەناز مەحموود، خەڵكی باشووری كوردستان، بە هاودەستیی باوك و مامی و دوو خزمی و بكوژێك، لە بەریتانیا كوژرا، دوای ئەوەی داوای تەڵاقی لە هاوژینەكەی كرد و پەیوەندیی لەگەڵ كوردێكی رۆژهەڵاتی كوردستان بەناوی رەحمەت سولەیمانی دانا. خێزانی بەناز لە ساڵی 1998 روویان لە بەریتانیا كردبوو، ئەوكات تەمەنی بەناز تەنیا 13 ساڵ بوو. پێنج ساڵ دوای ئەو رۆژە بەناز بە هاوسەگیرییەكی رێكخراو لەگەڵ پیاوێك كە 15 ساڵ لە خۆی گەورەتر بوو، هاوسەرگیری كرد.

پۆلیسی بەریتانی بە یەكێك لە هۆكارەكانی كوژرانی بەناز دەزانرێ، لە كاتێكدا ئافرەتە كوردەكە پێش كوژرانی بە لایەنی كەمەوە پێنج جار پەیوەندی بە پۆلیسەوە كردبوو بۆئەوەی بیپارێزن. بە گوێرەی (زی سان)، یەكەمجاریان لە 10ی تشرینی یەكەمی 2005 بوو، كاتێك ئافرەتێكی تەمەن 19 ساڵ خۆی كرد بە بنكەی پۆلیسدا و ئاگاداری كردنەوە كە هاوژینە 34 ساڵانەكەی دەستدرێژی دەكاتە سەری.

ئەوكات، بەناز لە گرتەیەكی ڤیدیۆییدا گوتی: "ئەو مێردێكی وشكە، هەر كاتێك سێكسی بوێ، دەبێ بە قسەی ئەو بێ، وەڵامی نەخێر قەبوڵ ناكات و دەستدرێژیم دەكاتە سەر". دوای دوو ساڵ بەناز چووەوە ماڵی باوكی و بە خێزانەكەی خۆی گوت كە دەیەوێ داوای تەڵاق بكات.

بەناز پۆلیسی ئاگادار كردبووەوە كە كۆمەڵێك پیاو بە ئۆتۆمبێل بە شوێنیەوەن و هەڕەشەی لێدەكەن، هەتا ئێستاش دەرنەكەوتووە ئەو پیاوانە كێ بوون، بەڵام لەو سەروبەندەدا دەنگۆی پەیوەندیی نێوان بەناز و رەحمەت بە گوێی ماڵی باوكی گەیشتبووەوە. ئاری مامی و مەحموودی باوكی بەناز، بڕیاری كوشتنی ئافرەتە كوردەكە و رەحمەتیان دابوو. بەناز لە نامەیەكدا لە 12ی كانوونی یەكەمی 2005 پۆلیسی لەو مەترسییە ئاگادار كردبوو. 

لە دوایین رۆژەكانی 2005، بەناز لە هەوڵێكی كوشتن بەدەستی باوكی رزگاری بوو، بەڵام لە نەخۆشخانەوە جارێكی دیكە رەوانەی ماڵەوە كرایەوە. بەگوێرەی راپۆرتی رۆژنامە بەریتانییەكە، ئەو بە پەرستارەكانی گوتبوو ئەگەر بچێتەوە ماڵ دەكوژرێ. لە رۆژی 24ی كانوونی دووەمی 2006 ترسەكەی وەڕاستگەڕا، كاتێك محەممەد حەمە كە بۆ كوشتنەكە بەكرێ گیرابوو، دەستدرێژی كردە سەری و كوشتی.

چیرۆكی درامای شەرەف لەو شوێنەوە دەستپێدەكات كە رەحمەت تەلەفۆن بۆ پۆلیس دەكات و ئاگاداریان دەكاتەوە لەوەی بەناز دیار نەماوە، بۆیەش فۆكەسی سەرەكیی بەرهەمەكە لەسەر ئەو لێكۆڵینەوەیەیە كە دوای ئەو تەلەفۆنە دەستپێدەكات و هەوڵەكانی لێكۆڵەر كارۆلین لەخۆدەگرێ. 

كیلی هیوز كە پێشتر خەڵاتی ئەكادیمیای فیلم و تەلەڤزیۆنی بەریتانی  (BAFTA)ی وەرگرتووە، لەبارەی رۆڵگێڕان لەو درامایە دەڵێ "لە سەردەمێكدا كە كوشتن لەسەر شەرەف شتێكی باوە، زۆر گرنگە رووناكییەك بخرێتە سەر بابەتێكی ئەوەندە گرنگ".

پاییز بە ماڵپەڕی (ڤایس)ی گوتووە "بەناز (لە ڤیدیۆكاندا) بە قەناعەتی تەواوەوە دەیزانی كە لە مەترسیدایە، پۆلیس چۆن ئەمەی نەبینیوە؟ كاتێك سەیری ڤیدیۆكان دەكەم كچێكی تۆقیو دەبینم. من خۆم ناتوانم گوێم لێبێ كەسێك وەك بەناز باسی مەترسیی بكات و جێی بهێڵم. ئەمە چۆن روویدا!".

بەدواداچوونێكی سەربەخۆی ساڵی 2015 دەریدەخات تەنیا لە نێوان ساڵانی 2014 بۆ 2015 ژمارەی كەیسەكانی پەیوەندیدار بە توندوتیژی لەسەر شەرەف لە بەریتانیا 225 كەیس بووە، كە 96 كەیسیان هیچ حوكمێكی بۆ دەرنەچووە، هۆكارەكەشی ئەوەیە قوربانییەكە یان خێزانی قوربانییەكە ئامادەنین شایەتی بدەن یان لە سكاڵاكەیان پاشگەز دەبنەوە. خوشكەكەی بەناز پێیوایە: "هێزی پۆلیس لە داینامیكی خێزان تێناگات".

كارۆلین بە رۆژنامەكە دەڵێ "لە كەیسی بەنازدا 50 ئەندامی كۆمەڵگەكە لە كوشتنەكەدا بەشدار بوون، چ وەك پلاندانان، كوشتن و لەناوبردنی تەرمەكە و چ وەك شایەتیدانی درۆ". یەكێك لە خوشكەكانی بەناز لە دادگا لە قازانجی باوكی شایەتی دابوو.

پاییز بە (بی بی سی) دەڵێ: "ئێمە زۆر نزیك بووین، زۆر حەزی هاوبەشمان هەبوو. تاكە رێگە بۆ وەسفی دۆخی ژیانم لەو كاتەوە ئەوەیە بڵێم 13 ساڵی رابردووی ژیانم دۆزەخ بووە. هەموو رۆژێكم دۆزەخە. ناكرێ لە كەسێك ببووریت كە دەتوانێ كەسێكی دیكە بكوژێ. خوشكەكەم هاواری كرد بۆ ئەوەی یارمەتی بدەن، ئەو لەوە زیاتر هیچی لەدەست نەهات".
به‌روار:  29/08/2019
195   جار خوێندراوه‌ته‌وه
  بابه‌تی زیاتر ...
لەپەرلەمانی ئەوروپا (گرووپی دۆستایەتیی کورد) دادەمەزرێت‌و فراکسیۆنە چەپ‌و سەوزو دیموکراتەکانی پەرلەمانی ئەوروپا تاووتوێی کاندیدکردنی سەلاحەدین دەمیرتاش بۆ وەرگرتنی خەلاتی ساخارۆف د درێژه‌ ...
K24- هه‌ولێر: په‌رله‌مانی ئه‌وروپا لابردنی سه‌رۆك شاره‌وانییه‌كانی هه‌ده‌په‌ له‌ باكووری كوردستان و دانانی قه‌یوومه‌كان له‌ شوێنی ئه‌وان شه‌رمه‌زار ده‌كات. په‌رله‌مانی ئه‌ورو درێژه‌ ...
ازیەکان پشتیوانی بەشارئەسەددەکەن. 🔸 مووچەی سۆسیال Hartz 4 زیاد دەبێت. بڕیار وایە لەسەرەتای ساڵی تازە ٢٠٢٠ مانگانەی ئەوکەسانەی کە لەسەر دایەرەی چاودێری کۆمەڵایەتی دەژین زیاد بک درێژه‌ ...
دانیشتنی دادگاییکردنی دەمیرتاش لە دادگای مافی مرۆڤی ئەوروپا بەڕێوەچوو. دانیشتنی دادگاییکردنی سەلاحەدین دەمیرتاش هاوسەرۆکی پێشووی هەدەپە لە باڵەخانەی دادوەرانی باڵای دادگای مافی درێژه‌ ...
هەروا بوە و هەرواش دەبێ -1- جێنزرگەی کەسانێکە هەردەم بێ کێشە و خەفەتن گڵکۆ. -2- هەرچەندە سیسبێ یا بژاکێ هەربۆنی دەبێ گوڵەباخ. -3- زۆر وەستان بەرامبەری حەقیقەتی خۆت نی درێژه‌ ...
نیشانەکردن سعودیە ئێران رووداو-هەولێر وەزارەتی بەرگریی سعودیە ئەنجامی لێکۆڵینەوەکانیان لەبارەی هێرشی سەر دامەزراوە نەوتییەکانی وڵاتەکەی ئاشکرادەکات و ئێران بە سپۆنسەری هێرشەکە درێژه‌ ...
ئەمڕۆ لە پەرلەمانی سوید سیمینارێکی تایبەت لەسەر سیاسەتی ئەمڕۆی ئێران و ڕۆڵی پارتە سیاسییە کوردییەکانی ڕۆژهەڵاتی کوردستان بەڕێوەچوو. سیمینارەکە لەلایەن ئاسۆ حەسەن زادە، جێگری سکر درێژه‌ ...
سادق شەرەفکەندی (١٩٣٨ بۆکان - ١٩٩٢ بەرلین) خاوەن پلەی دوکتورا لە شیمی و خەباتکەر و سکرتێری گشتیی حیزبی دێموکراتی کوردستانی ئێران لە نێوان ساڵانی ١٩٨٩ تا ١٩٩٢ (١٣٦٨ی ھەتاوی تا ١٣٧١) درێژه‌ ...
رووداو - هەولێر دیزاینەرێکی نێودەوڵەتی بەڕەچەڵەک کورد لە تەمەنی 91 ساڵیدا کۆچی دواییکرد کە لە حەوت وڵاتی جیهاندا کاری کردووە. لیوجی کۆلانی، بەڕەچەڵەک کوردی لەدایکبووی ئەڵما درێژه‌ ...
گەریلا تی ڤی ڤیدیۆی چالاکییەکی گەریلاکان کە لەدژی بازگەیەکی سوپای تورک لە سلۆپی سەربە شێرناخ ئەنجامییان دابوو بڵاو کردەوە. ئەمڕۆ گەریلا تیڤی ڤیدیۆی چالاکییەکەی ڕۆژی ٢٧ی مانگی ٧ی درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   168
کۆی سه‌ردان:   18242929