دایکانیش درۆ ئەکەن ‼


دەرهێنەری گەورەی سوریی مستەفا عەقاد دەڵێت: وامئەزانی دایک هەرگیز درۆ ناکات، بەڵام بۆمدەرکەوت من هەڵەم دوای ئەوەی دایکم هەشت درۆی گەورەی لەگەڵ کردم..!
ئەوەش ئەو هەشت درۆیەی دایکم تابزانن دایک چۆن درۆ ئەکات:-

+ من لە خێزانێکی زۆر هەژار لەدایکبووم، بەمنداڵی زۆرجار خواردنی پێویستمان نەبوو بیخۆین، هەرکتێک تۆزێک برنجمان دەستکەوتایە دایکم بەشەکەی خۆی دەکردە ناو قاپەکەی من و ئەیوت کوڕم هەموو برنجەکە بخۆ من برسیم نییە..!
ئەمە یەکەم درۆی دایکم بوو

+ کە تۆزێک گەورەتربووم، دایکم دەچوو لە چەمێکی نزیک ماڵی خۆمان ماسی ڕاودەکرد، زۆر جار هیچی دەست نەئەکەوت، جارێکیان خوا بۆیکرد دوو ماسی ڕاوکردبوو، خێرا گەڕایەوە ماڵەوە و ئامادیکرد و هەردوو ماسییەکەی خستە بەردەمی من، کاتێک من پارچەیەکم ئەخوارد ئەو ئێسقانەکەی هەڵئەگرتەوە و پاشماوەکەی منی ئەخوارد، دڵم پێی سووتا و ماسییەکەی ترم بۆ دانا وتم دایە گیان ئەمە بخۆ، بۆی گەڕاندمەوە و وتی کوڕم خۆت بیخۆ من حەزم لە ماسی نییە..!
ئەمە دووەم درۆی دایکم بوو

+ گەورەتر بووم و ئەبوو بچمە قوتابخانە، بەڵام پارەی پێویستمان نەبوو بۆ خەرجی قوتابخانە، ناچار دایکم لەگەڵ دوکانێکی کوتاڵفرۆش ڕێککەوتبوو کە کوتاڵی بۆبفرۆشێت، بە کۆڵ کوتاڵی بەسەر ماڵەکاندا دەگێڕا و پێی دەفرۆشتن، جارێکیان زستان و باران و کڕێوە بوو، دایکم درەنگ کەوت منیش ڕۆشتم بەدوایدا کۆڵانەکان گەڕام، بینیم لە کۆڵانێکدایە و باران هەموو لاشەی تەڕ کردووە، وتم دایە گیان سەرمایە و درەنگە و تۆش هیلاکیت وەرەوە ماڵەوە و سبەینێ ئەوانەی ماوە بیانفرۆشە، وتی کوڕم خەمت نەبێ من ماندوو نیم..!
ئەمە سێیەم درۆی دایکم بوو

+ ڕۆژێکیان دوا تاقیکردنەوەمان بوو لە خوێندنگە، دایکم سووربوو لەسەر ئەوەی لەگەڵمدا بێت، من چوومە ژوورەوە و ئەو لەدەرەوە لەبەر ئەو گەرمایە وەستابوو چاوەڕوانی دەکردم، کە هاتمە دەرەوە لەباوەشی گرتم و مژدەی پێدام کە خوا سەرکەوتووم دەکات، دەبەیەکی بچوک ئاوی پێبوو پێیدام، منیش لەتینوێتیدا پەلامارمدا و دەستمکرد بە خواردنەوەی، چاوم چووە سەر دەموچاوی دایکم کە ئارەقی پێدا داهاتە خوارەوە، ئاوەکەم پێدا و وتم دایەگیان تۆش بیخۆرەوە، وتی کوڕم تۆ بیخۆرەوە من تینوو نیم..!
ئەمەش درۆی چوارەمی دایکم بوو

+ کە باوکم کۆچی دووایی کرد، هەموو بەرپرسیارێتییەکە کەوتە سەرشانی دایکم خۆی هەم دایک بوو هەم باوک، حاڵمان خراپ بوو مامێکم هاوکاری دەکردین و خواردنی دەداینێ، دراوسێکان بە دایکمیان وت بۆ شووناکەیتەوە و پیاوێک هەبێت ئاگای لێتان بێت و خەرجیتان بکێشێت و خۆشت گەنجیت و پێویستت پێیەتی، دایکم ڕەتی کردەوە هاوسەرگیری بکات و وتی من پێویستم بە خۆشەویستی نییە..!
ئەمەش پێنجەم درۆی دایکم بوو

+ خوێندنم تەواوکرد و لە زانکۆ دەرچووم، کارێکی تا ڕادەیەک باشم دەستکەوت، وتم ئیتر کاتی ئەوەیە دایکم پشوو بدات و من خەرجی ماڵ بکێشم، لەو کاتەدا دایکم توانای گەڕانی نێو کۆڵانەکانی نەمابوو و لەناوبازاڕ مێزێکی دانابوو سەوزەی لەسەر دەفرۆشت، هەرچەندم کرد وازی لە کارەکەی نەهێنا، بۆیە بەشێک لە مووچەکەم بۆ تەرخان کرد، بەڵام وەرینەگرت و وتی کوڕم پارەکانت هەڵگرە بۆخۆت تۆ پێویستت پێی ئەبێت، من بەشی خۆم پارەم هەیە..!
ئەمەش درۆی شەشەمی دایکم بوو

+ لەپاڵ ئیشەکەمدا درێژەم بە خوێندنیش دا و ماستەرم وەرگرت، بەهۆیەوە مووچەکەم زیاد بوو و پلەشم بەرزبووەوە، کۆمپانیای کارم لێدەکرد داوایان لێکردم بچمە لقی سەرەکی کۆمپانیا لە ئەڵمانیا لەوێ کاربکەم، منیش زۆر دڵخۆش بووم کە خەونێکی لەمێژینەم دێتەدی و ژیانم خۆش دەبێت، ڕۆشتم و خۆم ڕێکخست و ناردم بەشوێن دایکمدا تا بێت لەگەڵ مندا بژی، بەڵام لە ترسی ئەوەی گرفتم بۆ دروست بکات نەهات و وتی کوڕم من ناتوانم ئێرە بەجێ بێڵم و حەزم لە ژیانی خۆشی ئەوێ نییە..!
ئەمەش حەوتەم درۆی دایکم بوو

+ دایکم پیربوو و تووشی نەخۆشی شێرپەنجەبوو، منیش ویستم لەلای بم، بۆیە کارەکەم جێهێشت و گەڕامەوە بۆلای، بینیم زۆر لاواز بووە و نەخۆشی زۆری بۆهێناوە و ئەو دایکەی جاران نییە، نەشتەرگەریمان بۆکرد بەڵام باشتر نەبوو، کە بینیم بەو حاڵەوە خۆم پێنەگیرا و فرمێسک بە چاوانما هاتە خوارەوە، بەڵام ئەو ویستی دڵنەوایی من بکات و وتی کوڕم خەفەت مەخۆ من باشم و هەست بە ئازار ناکەم..!
ئەمەش درۆی هەشتەمی دایکم بوو

دوای ئەوەی وای پێوتم، چاوەکانی لێکنا و ئیتر هەرگیز نەیکردنەوە..! ❤😭
وەرگیراوە
به‌روار:  14/08/2019
121   جار خوێندراوه‌ته‌وه
  بابه‌تی زیاتر ...
پیاوێکی تەمەن ٥٨ ساڵەی ئێرانی بەگومانی ئەوەی دەستی باڵای لە کوشتاری هەزاران زیندانیی سیاسیی ساڵی ١٩٨٨ لە ئێراندا هەبووە ٩ی ئەم مانگە پۆلیسی سویدیی دەستگیری کردووە. ئەو پیاوە تۆم درێژه‌ ...
هێزەکانی ئەمریکا ٢ بارەگای نوێیان لە شاری قامیشلۆ لە ناوچەی تربەسپییە دامەزراند. بەپێی هەواڵێکی ئاژانسی هاوار، ئەمڕۆ کاروانێکی هێزەکانی ئەمریکا کەلە ٢٠ بارهەڵگر و کەلوپەلی سەربا درێژه‌ ...
ئا: ئاوێنە هەڵمەتی بایکۆتکردنی کاڵاو بەروبومی تورکی بەئەندازەیەک کاریگەری ئابوری لەسەر کۆمپانیا تورکییەکان هەبوە، کە باڵوێزی تورکیا لەبەغدا دەگاتە کوردستان‌و داوا لەدەسەڵاتد درێژه‌ ...
خەندان- ئەمڕۆ دوای حەوت كاتژمێر، دەوریەی هاوبەشی نێوان سوپای توركیا و روسیا لە گوندەكانی دەوروبەری كۆبانێ كۆتایی هات. هاوشێوەی دەوریەكانی دیكە، ئەمڕۆش دانیشتوانی ئەو ناوچانەی درێژه‌ ...
لەمڕۆوە پۆلیسی سنووری دانمارک، کۆنترۆڵی ئەو گەشتیارانە دەست پێدەکات کە لە سویدە سەردانی دانمارک دەکەن. ئەگەر بە نیازی سەفەری کۆتایی هەفتەی بۆ کۆپنهاگن، یانیش دەتهەوێ بە سەردانێک درێژه‌ ...
ئۆبرایان بۆ تورکیا: جینۆساید کردن لە سەدەى (21) جێگاى نابێتەوە (سبەى): بەرپرسێکى ئەمەریکى هەڕەشەى سەپاندنى سزاى ئابوریى بەسەر تورکیادا دەکات وەک کاردانەوەیەک بۆ دەستدرێژییەکانى درێژه‌ ...
ئێوارەی ئەمڕۆ، ٣ تەقینەوە لە ٣ شوێنی جیاوازی شاری قامیشلۆ ڕوویداو ٦ هاوڵاتی مەدەنی شەهیدبوون و ٢١کەسی دیکەش برینداربوون. بەگوێرەی ئەو ئامارانەی کە لەلایەن هێزەکانی ئاسایشی قامی درێژه‌ ...
شارپرێس: فڕۆکەیەکی تایبەتی رێکخراوی سەمیرتان پێرس لە ئەمریکاوە ژمارەیەک هاوکاری و کۆمەکی گەیاندە هەولێر و بڕیارە لەلایەن دەزگای خێرخوازی بارزانی بەسەر ئەو پەنابەرانە دابەش بکرێت درێژه‌ ...
لە چوارچێوەی داگیرکەرییەکانیدا دەوڵەتی تورک دەستی بە سیاسەتی 'بە تورککردنی' ناوچەکانی سەرێکانی و گرێ سپی کردووە کە لە ئێستا دا هەردوو ناوچەکەی داگیر کردووە. بە پێی زانیارییەکان، بە درێژه‌ ...
چەند کچێکی کوردی دانیشتووی شارە جیاجیاکانی سوید بە مەبەستی کۆکردنەوەی کۆمەک بۆ منداڵانی بەرکەوتەی جەنگ لە ڕۆژئاوا کوردستان چالاکییەکی وەرزشی ئەنجام دەدەن. ئەو چالاکییەوەرزشییە درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   135
کۆی سه‌ردان:   18441370