|
رۆژهەڵاتی کوردستان؛ ژنێکی کورد لەسەر شەقام سەرپۆشەکەی فڕێدا
ژیان:
ژنێکی کورد لە شاری سنەی ڕۆژهەڵاتی کوردستان، وەک دەربڕینی ناڕەزایەتی لەبەرامبەر حیجابی زۆرە ملێ سەرپۆشەکەی فڕێدا، هاوکات هێزە ئەمنییەکانی ئەو شارەش ڕووبەڕووی خەڵک بوونەتەوە.
ئاژانسی کوردپا بڵاویکردووەتەوە، دوانیوەڕۆی دوێنێ یەکشەممە، 19ی ئایاری 2019، ژنێکی کورد لە شەقامی سێڕیانی ئەدەبی شاری سنە لە ناڕەزایەتی بە حیجابی زۆرەملێ، سەرپۆشەکەی فڕێدا .
ئاماژە بۆ ئەوەشکراوە، پاش ناڕەزایەتی دەربڕینی ئەو ژنە کوردە، هێزە ئەمنییەکان ئەو شەقامەیان گەمارۆداوە و بڵاوەیان بە خەڵک کردووە.
ئەوەشخراوەتەڕوو، ناڕەزایەتی دەربڕینی ئەو ژنە پێشوازیی زۆری لێکراوە لەسەر ئاستی ئەو شارە کوردستانییە و بەوهۆیەشەوە تێکهەڵچوون لەنێوان هێزە ئەمنییەکان و خەڵكی هاتوەتە ئاراوە.
به‌روار: 21/05/2019
591 جار خوێندراوه‌ته‌وه
|