|
دەست بەسەر حەوت تەن هەنگوینی ئێرانیدا دەگیرێت
سبەی):
راگەیاندنی قائیمقامیەتی سلێمانی ئاشکرای دەکات دەست بەسەر بڕێكی زۆر هەنگویندا گیراوە كە دوای لە پشكنینی تاقیگەیی دەرنەچوە و بریاری لەناوبردنی دراوە.
لە راگەیەنراوێکدا قائیمقامیەتی سلێمانی کە وێنەیەکی بۆ (سبەی) نێردراوە، هاتوە؛ ئاسایشی ئابوری سلێمانی، زانیاریی لەبارەی بڕێكی زۆر هەنگوینی قەدەغەكراو داوەتە لیژنە هاوبەشەكانی قائیمقامیەتی سلێمانی و لیژنەكانیش دەستیان گرتوە بەسەر بڕێكی زۆر هەنگوینی شانەداری ئێرانی لەجۆری (سهند)، لە کاتێکدا هاوردەكردنی هەنگوینی شانەدار بەپێی یاسای كەرەنتینەی كشتوكاڵی قەدەغەیە لەبەر ئەوەی مەترسی بڵاوبونەوەی نەخۆشییە گواستراوەكانی لێدەكرێت.
بەپێی راگەیەندراوەکە؛ بڕی ئەو هەنگوینەی دەست بەسەردا گیراوە هەزار كارتۆنە كەكۆی گشتییەكەی زیاتر لە حەوت تۆنە و لە وڵاتی ئێرانەوە هاوردەكراوە.
راگەیاندنی قائیمقامیەتی سلێمانی رونی کردوەتەوە: هەنگوینەكە لەلایەن بەرێوەبەرایەتی خۆپاراستنی تەندروستی دوجار پشكنینی بۆكراوە هەردو جارەكە وەڵامەكەی نەشیاو بوە بۆ خواردن و بەكارهێنان بۆیە بڕیاری لەناوبردنی لەبارەوە دراوە.
به‌روار: 20/05/2019
589 جار خوێندراوه‌ته‌وه
|