BBC لە راپۆرتێکدا سلێمانی شاری شێرپەنجەیە


خەندان-

تۆڕی هەواڵی BBC لەراپۆرتێکیدا کە لەلایەن چالاکوانێکی نێودەوڵەتی بواری ژینگەوە ئامادەکراوە، شاری سلێمانی وەک شاری کۆکەرەوەی خاشاک و بڵاوکردنەوەی مەترسییەکانی شێرپەنجە ناودەبات، پارێزگاری شارەکەش نایشارێتەوە مەترسی هەیە، بەڵام دەڵێت، "دەمانەوێت بە ئاگاداریەوە چارەسەری بکەین".

لەراپۆرتەکەی BBC دا نەبیل موسا، پارێزەری ژینگەو ئاو، باسی لەگرفتی پیسبونی سەرچاوەی ئاوی سلێمانی کردوە، کە بەهۆی نەبونی سیستمی ریساکلین و بەکارهێنانەوەی خاشاک بونەتە سەرچاوەی مەترسی بڵاوبونەوەی شێرچەنجە.

راپۆرتەکە تیشکی خستوەتەسەر دیوە شاراوەکەی دەریاچەی دوکان، کە بەهۆی کۆبونەوەی رێژەیەکی زۆر لە خاشاک و پیسی بە سەرچاوەی نەخۆشی پێناسەی دەکات، بەتایبەتی بۆ شاری سلێمانی، کە ئەو ئاوە وەک سەرچاوەی ئاوی خواردنەوە بەکاردەهێنن.


هەڤاڵ ئەبوبەکر، پارێزگاری سلێمانی لەوبارەیەوە بە خەندان- وت، "ئەو کارگانەی کە پاشەڕۆکانیان دەکردە تانجەرۆوە رامانگرت و ئەو پاڵاوگە نایاساییانەی کە پاشەڕۆکانیان دەکرد ئەوێ رامانگرتن و دامانخستن".

ئاماژە بەوەش دەکات، "لەگەڵ حکومەتی هەرێمی کوردستاندا قسەمانکرد کە پڕۆژەی ریسایکلینی سلێمانی بەهۆی ئەم قەیرانی داراییەوە، کە حکومەتی هەرێم پابەندنەبو بەو گرێبەستەی کە لەگەڵ کۆمپانیاکانی فاروق گروپدا کردبوی کارەکە وەستابو، ئەویش ئامڕاز و ئالیاتەکانی هێناوە، ئێمە رێگاوبان و ئاو و کارەبامان بۆ دابینکردوە بۆیە لەگەڵ حکومەتی هەرێمی کوردستان لە کۆبونەوەی ئەنجومەنی وەزیران قسەمانکرد، رەزامەندیان پیشاندا کە حکومەت پابەندبێت بەو ئیلتیزاماتانەی بەرامبەر بەو کۆمپانیایە هەیەتی".

ئێستا کاری ریسایکلینی ئەو خۆڵ و خاشاکە دەستیپێکردوەتەوە
 

پارێزگاری سلێمانی وتیشی، "ئێستا کاری ریسایکلینی ئەو خۆڵ و خاشاکە دەستیپێکردوەتەوە، حاڵەتێکی تر لەو کۆمپانیا پاککردنەوانە ئەمساڵ پاکردنەوەی زۆرنەکانی دەرەوەی سلێمانیان دراوەتێ لە شارەزوریش و لە بازیان و چەمچەماڵ و دوکانیش لە گرێبەستەکەیاندا کردمان بە مەرج، کە دەبێت دو کارگەی ریسایکلین لە شارەزور و بازیان دروست بکەن و ئێستا ئەوانیش سەرقاڵی ئەوەن".

دەبێت شارەوانی چاودێری وردی بکات و بەشێوەیەکی زانستی ئەو خۆڵ و خاشاکە دابپۆشرێت
 

ئەوەشی خستەڕو، "دەبێت شارەوانی چاودێری وردی بکات و بەشێوەیەکی زانستی ئەو خۆڵ و خاشاکە دابپۆشرێت کە زیان بە خاکەکە نەگەیەنێت".

روباری دیجلە لە بەغدا هاوشێوەی ئاوی تانجەرۆی سلێمانی سەرچاوەیەکی سەرەکی نەخۆشییە کوشندەکانەوە
 

لە راپۆرتەکەی BBC دا هەروەها هاتوە، "روباری دیجلە لە بەغدا هاوشێوەی ئاوی تانجەرۆی سلێمانی سەرچاوەیەکی سەرەکی نەخۆشییە کوشندەکانەوە و بەهۆی پیسبونی سەرچاوەی ئاوی هاوڵاتیانیشەوە ساڵی رابردو هەزاران کەس لە شاری بەسرە رەوانەی نەخۆشخانەکان کراون".

راپۆرتەکەی BBC لەکاتێکدایە دەیان رێکخراوی ژینگە پارێز و میدیا و راگەیاندن لە هەرێمی کوردستان هەن، کە تا ئێستا پرسی پیسبونی سەرچاوەکانی ئاویان نەکردوەتە پرسێکی گشتی و خەمی هاوڵاتیان، تا هەموان پێکەوە بەیەک دەست روبەڕوی ئەو مەترسییە ببنەوە کە ئەو کەناڵە بە "مەترسیدارترین هەڕەشە" ناویبردوە.

هێشتا مەترسی هەیە تا کارگەکە دەکەوێت کار، بەڵام مەترسیەکە لە ژێر کۆنتڕۆڵدایە و دەمانەوێت بە ئاگاداریەوە چارەسەری بکەین
 

هەڤاڵ ئەبوبەکر دەشڵێت، "هێشتا مەترسی هەیە تا کارگەکە دەکەوێت کار، بەڵام مەترسیەکە لە ژێر کۆنتڕۆڵدایە و دەمانەوێت بە ئاگاداریەوە چارەسەری بکەین، قەیرانی دارایی هۆکاری سەرەکی بو بۆ ئەوەی نەتوانرێت چارەسەربکرێت
به‌روار:  05/05/2019
348   جار خوێندراوه‌ته‌وه
  بابه‌تی زیاتر ...
ووردەکاریی ٧٢ کاتژمێری کۆتایی تەمەنی قاسملو پێش تیرۆرکردنی گفتوگۆ لەگەڵ د.کەریم پیرۆتی هاوڕێی قاسملو لە ڤیەننا دیپلۆماتیك مه‌گه‌زین 2018.07.16 5677 خوێندراوەتەوە پایگاه خبرى ـ درێژه‌ ...
ئەمڕۆ دژ بە کەمکردنەوە و بڕینی موچەکانیان، بەشێک لەو کەسانەی بە بندیوارەکانی عێراق ناسراون ویستیان خۆپیشاندان بکەن، بەڵام لەلایەن خەڵک و هێزە ئەمنییەکانەوە بە پێڵاو و بەرد وەڵامد درێژه‌ ...
دەروێشەکانی کەسنەزانی لە ڕۆژهەڵاتەوە بە تەور و شمشێرەوە بەرەو سلێمانی دێن، بۆ بەشداری لە ئەسپەردەکردنی ڕابەرەکەیان" سەبارەت بەم ڕستە هەواڵییە، چەند خاڵێک دەخەمە ڕوو: یەکەم: تەورا درێژه‌ ...
ئەو پرسیارەی کە بە هزری زۆربەماندا تێپەڕیوە ئەوەیە بۆچی مزگەوتەکانی جاران ناڵی و مەحوی و جەزیری و وەفایی و قانیعیان بەرهەمدێنا بەڵام زۆرێک لە مزگەوتەکانی ئێستا مرۆڤگەلێکی نامۆ بە ر درێژه‌ ...
هەتا شێخێ‌ لە كوردستان بمێنێ‌ ئومێدی زیندەگانیت پێ‌ نەمێنێ‌ تەریقی قادری و نەقشبەندی بەبای دا ڕەونەق و ئاهەنگی كوردی هەموویان بوونە سۆفی و پیرو دەروێش بە بەرماڵ و بە سبحەو ر درێژه‌ ...
سەرۆکی شارەوانی سیئۆل خۆی کووشت ‼ 🔻 دوای خۆكوشتنی وەسێتنامەیەكی بۆ كچەكەی بەجێهێشت (درەو): دوای رۆژێك لە تۆمەتباركردنی بە دەستدرێژی سێكسی بۆسەر یەكێك لە سكرتێرەكانی، بارك وون درێژه‌ ...
چەند سەرنجێک لەسەر دەروێش و تەریقەتەکان ئەم دەروێشانە برا و کەس و کاری ئێمەن، دەبێت رێزیان لێبگیرێت و وەک خۆیان قەبوڵ بکرێن و لەهەمووشی گرنگتر لێیان تێبگەین. ئەم چەند سەرنجەی خو درێژه‌ ...
شێخ نەهرۆ 26 رۆژ لە ئوتێلی ترەمپ بۆ مایەوە؟ لڤین- واشنتن پۆست لە مانگی تەمووزی 2018، شێخ نەهرۆ كەسنەزانی نامەیەكی بۆ جۆن بۆڵتن، راوێژكاری پێشووی ئاسایشی نیشتمانیی كۆشكی سپی و مای درێژه‌ ...
دهۆکیەکان کێن ؟ لە سلێمانیەوە بەڕێکەوتم لە هەولێر لای هاوڕێیەکم لامدا پشوێکمان وەرگرت ،، ووتی بە نیازی کوێن ؟ ووتم ئیشی دائیرەم هەیە ئەبێ بڕۆم بۆ دهۆک . (ووتی یەع ئەوە کەی درێژه‌ ...
بەریتانیا ئه‌و زانیاریانه‌ى له‌باره‌ى كۆرۆناوه‌ بڵاو كراونه‌ته‌وه‌، تاوانه‌ دژى مرۆڤایه‌تى " كه‌ره‌نتینه‌كردن، هه‌ڵه‌یه‌ك بوو له‌ رابردوودا" ـ حکومەتی بەریتانیا لەنوێترین ڕاپۆ درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   302
کۆی سه‌ردان:   20258249