وان؛ لەسەر سنوری ئێران تەرمی شەش کۆچبەر دۆزرانەوە
لە شارۆچكەی باشكالەی سەر بە پارێزگای وان لە سەر سنووری ئێران، تەرمی شەش كەس دۆزرانەوە، كە پێنجیان تەرمی ئەو كۆچبەرانەن، كە لە وەرزی زستاندا لەو شوێنەدا رەقبونەتەوە.
ئاژانسەكانی هەواڵ بڵاویان كردەوە: تیمەكانی جەندرمە لە شارۆچكەی باشكەلەی سەر بە پارێزگای وان لەسەر سنوری ئێران، تەرمی شەش كەسیان دۆزیوەتەوە.
ئاماژەیان بەوەش كردووە، سەرەتا لەلایەن شوانەكانی سنورەكەوە ئەو تیمانە ئاگادار كراونەتەوە بە بوونی تەرمی شوانێك لە ناوچەكە و دوای گەیشتنی تیمەكانو دۆزینەوەی تەرمی شوانەكە لە نزیك زێی سوڵتانچایر، تەرمی پێنج هاوڵاتی دیكەیان دۆزیوەتەوە.
ئاژانسەكان ئاماژەیان بەوەش كردووە: دوای لێكۆڵینەكان دەركەوتووە، كە تەرمەكان تەرمی ئەو كۆچبەرانەن، كە لە وەرزی زستاندا لەو شوێنەدا، رەقبونەتەوە و دوای توانەوەی بەفر، تەرمەكانیان دەركەوتوەو لە ئێستاشدا تەرمەكان رەوانەی پزیشكی دادوەریی وان كراون.
کەی ئێن ئێن
بهروار: 03/05/2019
300 جار خوێندراوهتهوه
|