وەستاكەی خۆی بەچەقۆ دەكوژێ و تۆمەتباریشی دەكات
ڕووداو - هەولێر

شەوی 15/12/2018 لە قەزای كەلار گەنجێك كە وەستای لەبغ بوو لەلایەن شاگردەكەیەوە درایە بەر چەقۆ و و دوای گەیاندنی بە نەخۆشخانە مرد. لەسەر رووداوەكە پێنج كەس كە یەكێكیان شاگردەكەیە دەستگیركراون. شاگردەكە دەڵێت وەستاكەی داوای سێكسی لێكردووە، بۆیە كوشتوویەتی، بەڵام پۆلیس بڕوا بەو قسەیە ناكات و دەڵێت ئێستا هەندێ لەوانەی تاوانی كوشتنیان لەدەست دەقەومێ، پەنا بۆ پاساوی لەوجۆرە دەبەن.

(ه.س) كە تەمەنی 17 ساڵە و ماوەی چەند مانگێك بوو بەردەستیی وەستاكەی دەكرد، دوای كوشتنی وەستاكەی، دەستگیركرا، ئەو لە گوتەكانیدا بۆ پۆلیس هۆكاری كوشتنی وەستاكەی بۆ ئەوە دەگەڕێنێتەوە كە داوای سێكسی لێكردووە، ئەویش وەك بەرگری لە خۆی ناچار بووە بە چەقۆ بیكوژێ‌.

(ئە.م) كە برای وەستاكەیە، قسەكانی شاگردەكەی رەتكردەوە و بە (رووداو)ی گوت: "براكەم گەنجێكی كاسبی بێ كێشە بوو، تەنانەت لەگەڵ شاگردەكەشی هیچ كێشەیەكی نەبووە، لە رۆژی رووداوەكە دەمەقاڵێیەك لەنێوانیاندا بووە. ئێمە نازانین لەسەر چی بووە و دواتر شاگردەكەی بە چەقۆ هێرشی كردووەتە سەری و كوشتوویەتی، ئەوەی شاگردەكە بۆ پۆلیسی باس كردووە، راست نییە".

پۆلیسی كەلار 5 كەسی لەسەر رووداوەكە دەستگیر كردووە، رائید عەلی جەمال قەدوری، گوتەبێژی پۆلیسی گەرمیان بە (رووداو)ی گوت: "شەوی 15/12/2018 بەهۆی دەمەقاڵێ لەنێوان وەستا و شاگردێك، وەستاكە كە تەمەنی 21 ساڵە، لەلایەن شاگردەكەیەوە سێ چەقۆی لێدەدرێت، پاش گەیاندنی بە نەخۆشخانە مرد".

دوای ئەوەی پۆلیس دەستی بە لێكۆڵینەوە لە رووداوەكە كرد، بە فەرمانی دادوەر بێجگە لە شاگردەكەی، چوار كەسی دیكەش كە هاوڕێی وەستا و شاگردەكە بوون دەستبەسەركراون.

سەبارەت بە هۆكاری كوشتنەكەش كە شاگردەكە دەڵێت وەستاكەی داوای سێكسی لێكردووە، رائید عەلی دەڵێت: "راستە تۆمەتبارەكە لە ئیفادەكەیدا بۆ ئێمە وادەڵێت، بەڵام مەرج نییە ئەو قسەیە راست بێت، چونكە زۆرجار تۆمەتبار بۆ ئەوەی هۆكاری راستەقینەی تاوانەكەی بشارێتەوە ئەم قسانە دەكات، ئێستا بەشێك لە بكوژەكان لە گەرمیان سوود لەم بیرۆكەیە وەردەگرن، ئەگەرچی هەندێك جاریش دوای لێكۆڵینەوە بەڵگە دەستكەوتوون كە كەسی كوژراو، داوای ئەم كارەی لە بكوژ كردووە، بەڵام قبوڵی نەكردووە، بۆیە بووەتە شەڕیان، هەر بۆیە ئێمە و دادگاش لێكۆڵینەوە و بەدواداچوونی زۆر ورد لەسەر ئەو رووداو و تاوانانە دەكەین بۆ ئەوەی هۆكارە راستەقینەكە ئاشكرا ببێت".

كارمەندێكی دەزگا ئەمنییەكان لە گەرمیان كە نەیویست بڵاوبكرێتەوە، بە (رووداو)ی گوت: "لە سنووری گەرمیان حاڵەتی لەم جۆرە زیاتر لە چەند جارێك دووبارە بووەتەوە. كەسێك یان چەند كەسێك داوای سێكس لە كوڕان دەكەن و دواتر رووداوی لەم شێوەیەی لێدەكەوێتەوە".

خەبات رەشید، بەرپرسی نووسینگەی مافی مرۆڤ لە گەرمیان لەبارەی ئەم كەیسانە و حاڵەتەكانی دەستدرێژی بە (رووداو)ی گوت: "یەكەمجار نییە ئەم حاڵەتە روودەدات، كەسێك بە بیانووی ئەوەی دەستدرێژی كراوەتە سەر یان هەوڵدراوە دەستدرێژی بكرێتە سەری، یەكێكی كوشتووە. پێشتریش چەند حاڵەتێك هەبووە، ئەگەرچی هەندێكجار راست نین و بكوژ كێشەی دیكەی لەگەڵ كوژراوەكە هەیە، بۆیە ئەو تۆمەتەی دەخاتە پاڵ، بەڵام زۆر جاریش دوای لێكۆڵینەوە دەركەوتووە كوژراوەكە هەوڵیداوە دەستدرێژی بكاتە سەر بكوژ یان دەستدرێژی كردووەتە سەری، بەڵام بكوژ كاردانەوەی هەبووە و تاوانی بەدوادا هاتووە".

بەپێی قسەی بەرپرسی نووسینگەی مافی مرۆڤی گەرمیان چەند گرووپێكی نێربازی لە سنوورەكە پەیدابوون: "ئەو گرووپانە لە كەلار و دەوروبەری بە پلان كاردەكەن و بەشێكیان دەستگیركراون و سزاش دراون". 

گوتیشی :"ئێمە 7 كەسمان دواندووە كە بەشێوەی گرووپ كاری نێربازییان كردووە، ئەوانە سزادراون، سزاكەشیان 3 بۆ 15 ساڵ بەندكردنە. ئەوانەشی دەستدرێژی دەكەنە سەر منداڵان، سزاكەیان تاوەكو لەسێدارەدان دەڕوات".
به‌روار:  08/01/2019
721   جار خوێندراوه‌ته‌وه
  بابه‌تی زیاتر ...
سوپاس نامه‌ و پێزانین له‌ بنه ‌ماڵه‌ی قازی‌ و بنه ‌ماڵه‌ی بامرني ‌ و له‌ خانه‌واده‌ی خوای لێخۆش بوو خاتون حاجي (خديجة محمود ابراهيم بامرني ) ه‌وه به‌ناوی بنه ما‌لێ قازی و بامر درێژه‌ ...
نەوا نەخۆشخانەی زانكۆی ڤالەنسیا لە ئیسپانا روداوێكی سەیر بەخۆیەوە دەبینێت و ئەویش دوای ئەوەی ژنێكی سپی پێست منداڵێكی رەشپێستی دەبێت، لەگەڵ مێردەكەیدا دەبێت بە هەرا و كێشە و تۆمەتب درێژه‌ ...
(سبەی): دوای کۆتاییهێنان بە داعش لەلایەن شەڕڤانانی هەسەدە و کۆنتڕۆڵکردنەوەی دوا مۆڵگەیان لە شارۆچکەی باغۆز، ئێستا هەموان بە دوای وەڵامی ئەو پرسیارەدا دەگەڕێن کە ئەبوبەکر بەغدادی درێژه‌ ...
وێستگه‌ نیوز ـ سه‌رۆك حزبێكی‌ راستڕه‌وی‌ دانیماركی‌ له‌ كاتی‌ نوێژدا و به‌به‌رچاوی‌ نوێژخوێنانه‌وه‌، ژماره‌یه‌ك قورئانی‌ سووتاند. راسمۆس بالودان سه‌رۆكی‌ حزبی‌ "Hard Line"ی‌ ر درێژه‌ ...
وەزیری دەرەوەی ئەمریکا سەرکەوتنی شەڕڤانانی بە دەستکەوتێکی زۆر زۆر گرنگ و باڵا وەسفدەکات و پیرۆزبایی لە شەڕڤانان و سوپای وڵاتەکەی دەکات. مایک پۆمپیۆ وەزیری دەرەوەی ئەمریکا، لەسەر درێژه‌ ...
فەرمانداریی گشتی هێزەکانی سوریای دیموکراتی-قەسەدە لە مەراسیمێکی سەربازییدا، کە بەرپرسانی چەندین دامودەزگا ئامادە بوون، سەرکەوتنی خۆیان بەسەر داعشدا بۆ ڕای گشتی جیهان ئاشکرا کرد. درێژه‌ ...
ئەو کەسانەی پێشتر پەیوەست ببوون بە داعشەوە و ئێستا گەڕوانەتەوە سوید، کۆمەکی داراییان ناکرێ گەر بێت و لە کۆمۆنی ستافانستۆرپ نیشتەجێ بن. ئەنجومەنی شارەوانی کۆمۆنەکەی ئێوارەی دوێنێ ئە درێژه‌ ...
ئوگور شاکار، کە مانگی شوبات لەدژی گۆشەگیریی لە ئەڵمانیا چالاکیی گیانبازیی ئەنجامدا، دوای ئەوەی زیاتر لە مانگێکە لە نەخۆشخانە بوو، ئەمڕۆ شەهید بوو. ڕۆژی ٢٠ی شوبات لەدژی گۆشەگیریی درێژه‌ ...
باشووری کوردستان گەنجێك لە ھەڵەبجە خۆی خنكاند ئەڤین عەتا ئەڤین عەتا | 3 كاتژمێر لەمەوپێش Share share گەنجێك لە ھەڵەبجە خۆی خنكاند رێژوان نەورۆز، ئەو گەنجەی لە ھەڵەبجە خۆی خنكا درێژه‌ ...
میدیاکانی هۆڵەندا بڵاویانکردەوە، هێزەکانی پۆلیس تۆمەتباری هێرش و تەقەکردنەکەی ئەمڕۆی شاری ئوترێختی ئەو وڵاتەیان دەستگیرکردووە و، سەرۆک کۆماری تورکیاش لەسەر ڕووداوەکە قسەی کردووە، د درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   141
کۆی سه‌ردان:   17734328