نوێترین لێدوانی ترەمپ و ئەردۆغان لەبارەی جەمال خاشقچی

ماوەی هەفتەیەکە ڕۆژنامەنووسی دیاریی سعودی جەمال خاشقچی بێسەروشوێنە و تادێت کاردانەوەکان لەبارەیەوە فراوانتر دەبن.

ڕەجەب تەیب ئەردۆغان سەرۆک کۆمارى تورکیا لە نوێترین لێدوانێدا داواى لە سعودیە کرد بە بەڵگەى ڤیدیۆیی بیسەلمێنێت جەمال خاشقچى لە کونسوڵخانەى سعودیە لە ئەستەنبوڵ چووەتە دەرەوە.

ئەردۆغان ئاماژەى بەوەدا، بەرپرسانی کونسوڵخانەى سعودیە دەڵێن جەمال خاشقچى لە کونسوڵخانە دەرچووە، بەڵام ناتوانن تەنھا بەم قسەیە خۆیان رزگار بکەن و دەبێت ئەوەیان بۆ بسەلمێنن.

وتیشى لێکۆڵینەوەی ورد لە کامێراکانی چاودێری و هاتن و چونى فڕۆکەخانەکان دەکەن، بۆ ئەمەش داواکارى گشتى هەموو ڕێوشێونێکى پێویستى گرتوەتە بەر.

لەلایەکی ترەوە دۆناڵد ترەمپ سەرۆکى ئەمریکا نیگەرانى خۆى بەرامبەر چارەنوسى ڕۆژنامەنوسە سعودییەکە نیشاندا و ئاماژەى بەوەدا لە ئێستادا هیچ کەسێک زانیارى لەبارەى ئەو دۆسیەیەوە لەلا نییە.

هاوكات لينزى گراهام سیناتۆرى ئەمریکا ئاماژەى بەوەدا، ئەگەر تۆمەتەکانى سەر سعودیە لەو بارەیەوە بسەلمێنرێت، سعودیە دەبێت باجێکى قورس دەدات و کاریگەرى لەسەر پەیوەندییەکانى ڕیاز و واشنتۆن دەبێت.
سەبارەت بە ئەنجامی لێکۆڵینەوەکانیش، ڕۆژنامەی گاردیان دەڵێت، بەرپرسانی ئەمنی تورکیا بەدوای ئۆتۆمبێلێکی ڕەشدا دەگەڕێن و گومانی ئەوە دەکەن ئەو ئۆتۆمبێلە تەرمی خاشقچی هەڵگرتبێت.

بە پێی هەواڵەکەی گاردیان، لێکۆڵەرەوە تورکەکان وتویانە، ژمارەیەک ئۆتۆمبێل کە تیمێکی هەڵگرتووە هاتونەتە کونسڵخانەی سعودیە و بەرپرسن لە کوشتنی خاشقچی، ئەو تیمە دوای دوو کاتژمێر لە چوونی ئەو ڕۆژنامەنووسە بۆ کونسڵخانەی سعودیە، کونسڵخانەکەیان جێهێشتووە.

جەمال خاشقچی ڕۆژنامەنووسی دیاری سعودی کە لە ڕۆژنامە و میدیا جیهانییەکانەوە ڕەخنەی لە دەسەڵاتی عەرەبستانی سعودی دەگرت، کاتژمێر یەک و ١٤ خولەکی پاشنیوەڕۆی ڕۆژی دووی تشرینی یەکەمی ٢٠١٨ بە یاوەری دەستگیرانەکەی چووە کونسڵخانەی سعودیە لە ئەستەنبوڵ بەمەبەستی ڕاییکردنی مامەڵەیەکی، بەڵام لەو کاتەوە بێسەروشوێنبووە.

ک.ع

ئێن ئاڕتی
به‌روار:  09/10/2018
813   جار خوێندراوه‌ته‌وه
  بابه‌تی زیاتر ...
كاتێک ووشەی خۆشەویستی دەبێتە. شیلەی شیعر ڕیتا /له ژێر داوای مردنە . دوعاى چاك بوونه وه ى بؤ بكه ن پيشكەشكردنى شاعيرو نووسه ری عەرەبی/ هاتف به شبوش چه ند دێڕێک لە شیعرەکانی درێژه‌ ...
ئا: بارام سوبحی‌ "مام جه‌لال تاڕاده‌یه‌كی‌ زۆر پیاوێكی‌ ماركسیه‌و زۆر به‌باشی‌ له‌ماركسیزم – لینینزم گه‌یشتوه‌، نه‌وشیروان مسته‌فا پیاوێكی‌ زیره‌ك‌و ورده‌، سه‌دام حسێن پیاوی‌ كه درێژه‌ ...
ئاکەپە لە شارەکانی کوردستان بەردەوامە لە پاکتاوکردن و سڕینەوەى سیاسی و کولتوریی گەلی کورد و دوژمنایەتییەکەی لەگەڵ کورد لە دوای هەڵبژاردنى شارەوانییەکان لە ٣١ی ئاداری ٢٠١٩ / ١١ی نەو درێژه‌ ...
ئەم وێنەیە لە تۆڕە كۆمەڵایەتییەكاندا بڵاوكراوەتەوە كە دەگوترێت گەشتیارێكی پاكستانییە و لەلایەن تیمی فڕۆكەیەكی هێڵی ئاسمانی عێراقەوە لێيدراوە. بە پێی ئەو زانیارییانەی دەربارەی وێ درێژه‌ ...
عەبدوڵا ئۆجالان لە ڕێگای پارێزەرانییەوە پەیامێکی نوێی بڵاو کردەوە و بە چالاکانی مانگرتووی وتووە: بە هەڵوێستێکی واتادار و دیرۆکی دەیبینم، کە بە پێشنیاری من کۆتاییتان بە مانگرتنی تام درێژه‌ ...
نابه‌رێكی‌ كورد هۆشداری‌ ده‌دات له‌باره‌ی‌ خراپی‌ دۆخی‌ په‌نابه‌ران له‌ دوورگه‌كان به‌هرۆز بوچانی‌، ئه‌و په‌نابه‌ره‌ كورده‌ی‌ كه‌ ماوه‌ی‌ چه‌ندین ساڵه‌ له‌ كه‌مپه‌كانی‌ په‌نابه‌ران درێژه‌ ...
لەبەدواداچونێکی پارتی چەپەکانی ئەڵمانیاو لەبەردەم ئەنجومەنی فیدرالیدا حکومەتی ئەڵمانی پاساوی داخستنی دوو دامەزراوەی ڕۆشنبیری کوردی بەوە دەهێنێتەوە کەپشتگیری لەپارتی کرێکارانی کوردس درێژه‌ ...
ئا: کاوە ڕەش بەریتانیا دوای ئەوەی ژنێك بەمەشروب و دەرمان سەرخۆش دەكەن، بەچوار كەس ‎دەستدرێژی دەكەنەسەرو، كەسی پێنجەمیش دەبێتە تەماشاكەر. ‎دوای ئەوەی دەستدرێژیكاران تۆمەتەكانیا درێژه‌ ...
حەوتووی ڕابردوو ئاگرێک لە ناوچەی نارینگی شاری یەڤلە کەوتەوە و بەهۆیەوە چەندین ئەنبار و شوێنی دیکە لەو ناوچەیە سووتان. ئاتۆلیەکەی سویوان سەعیدیان هونەرمەندی پەیکەرتاشیش یەکێک لەو درێژه‌ ...
شارپرێس: له‌ڕووداوێكی چاوه‌ڕواننه‌كراودا له‌شاری جه‌دده‌-ی سعودییه‌ یه‌كه‌م دیسكۆ كه‌ ناویان لێناوه‌ "قاوه‌خانه‌" كرایه‌وه‌. به‌گوێره‌ی گرته‌یه‌كی ڤیدیۆیی، له‌شاری جه‌دده‌ی سعو درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   53
کۆی سه‌ردان:   17959336