یەكەمجار گەنجێكی تەلەعفەری‌و كوردێكی سۆرانی‌و عەرەبێكی سوریی دەستدرێژییان كردە سەرم
نادیە موراد كە ئەمڕۆ خەڵاتی نۆبڵی ئاشتی پێبەخشرا، یەکێکە لەو ٣ هەزار کچ و ژنە ئێزدییەی لەلایەن داعشەوە رفێنراو دەستدرێژیی کرایەسەر، ئەو لەیەكەم چاوپێكەوتنیدا رۆژێك دوای هەڵاتنی لەدەستی داعش، بە”بی بی سی فارسی” راگەیاندوە “بۆ یەكەمجار لەموسڵ گەنجێكی تەلەعفەری‌و كوردێكی سۆرانی‌و عەرەبێكی سوریی دەستدرێژییان كردە سەرم”.


ئا: ئاوێنە

 

نادیە موراد كە ئابی 2014 لەگەڵ هەزاران كچ‌و ژنی ئێزیدیی وەك كەنیزەك كەوتە دەست داعش، لەدوای خۆرزگارکردنی توانی تاوانەکانی داعش بەرامبەر بەهەزاران ئێزیدیی ئاشکرا بکاو بەچەندین وڵاتی جیهاندا گەڕاو چیرۆكی ئازارو مەینەتی‌و كوێرەوەری خۆی‌و ئێزیدییەکانی بۆ رای گشتی جیهان‌و سەرۆكی وڵاتان‌و رێكخراوە جیهانیەكان گێڕایەوە. ئەم هەوڵانە نادیەی كرد بەسیمبولی ئێزیدییەکان، ساڵی 2016 گۆڤاری تایمی ئەمریکی نادیە مورادی وەک یەکێک لە ١٠٠ کەسایەتییە کاریگەرەکانی جیهان دەستنیشانکرد.

 

نادیە موراد پاش هەڵاتنی لەدەستی داعش بۆ یەكەمجار لەگەڵ نەفیسەی كوهنەوەرد پەیامنێری بی بی سی فارسی گفتوگۆی كرد، بەبۆنەی وەرگرتنی ئەم خەڵاتەوە بی بی سی فارسی هەمان ئەو چاوپێكەوتن‌و راپۆرتەی بڵاوكردوەتەوە لەگەڵ لێدوانێكی نەفیسەی كوهنەوەردا.

 

نەفیسە دەڵێت “نادیەم چوار ساڵ لەمەوبەر دروست رۆژێك پاش هەڵاتنی لەموسڵ، لەماڵی براكەی لەگوندێكی نزیك دهۆك بینی، ئەو كاتە هێشتا هیچ كەسێك چیرۆكی ئەو ژنە ئێزیدیانەی كەوتبونە دەستی داعش لەزاری خۆیانەوە نەبیستبو، چونكە داعش لەوپەڕی هێزی خۆیدا بو، زۆربەی ژنان هێشتا دیل بون بەدەست ئەوانەوە. كاتێك ئەوم بینی بەپێی یاسا‌و رێساكانی بی بی سی لەچاوپێكەوتن لەگەڵ ژنان یان ئەو منداڵانەی زیانیان بەركەوتوە، پێشنیارم كرد كە بەشێوەیەكی نەناسراو‌و بەبێ‌ نیشاندانی روخساری چاوپێكەوتنەكە ئەنجام بدەم، بەڵام ئەو خۆی ئەمەی رەتكردەوەو لەحاڵێكدا بەسەختی دەیتوانی بەهۆی هەنسكی گریانەوە قسە بكات، دەیویست هەموان بزانن چیان بەسەرهاتوە‌و لەكۆتایی دیدارەكەشدا داوای لێكردم كە گێڕانەوەكەی بەگوێی ژنانی تر بگەیەنم. چەند مانگێك دواتر نادیە بەپشتیوانی رێكخراوە نێودەوڵەتیەكان بو بەحیكایەتخوانی تراژیدیای ژنانی ئێزیدی لەسەرتاسەری جیهان، بەخشینی خەڵاتی نۆبڵ بە ئەو دەتوانێت جارێكیتر سەرنجەكان بخاتەوە سەر كۆمەڵگەی ئێزیدی کە لەدۆخێکی فرە خراپدان”.

 

نادیە مورادی تەمەن 25 ساڵ لەپاش مەلالە یوسف زەی، گەنجترین كەسە كە خەڵاتی نۆبڵی بەدەستهێناوە، مەلالە لەساڵی 2014دا تەمەنی 17 ساڵ بو كە ئەم خەڵاتەی وەرگرت. نادیە یەكەمین كوردە خەڵاتی نۆبڵ وەردەگرێت.

 

لەم چاوپێكەوتنەی لەگەڵ بی بی سی فارسی دەڵێت “لەكاتی بەدیل گرتنیدا بۆ یەكەمجار لەلایەن گەنجێكی تەلەعفەرو كوردێكی سۆرانی‌و عەرەبێكی سورییەوە لەموسڵ دەستدرێژیم كرایە سەر، دواتریش چەندین جار كڕین‌و فرۆشم پێوەكرا بەرلەوەی هەڵبیم”.

سەیری ڤیدیۆیەکە بکەن

به‌روار:  07/10/2018
1321   جار خوێندراوه‌ته‌وه
  بابه‌تی زیاتر ...
بەدرێژایی چەندین سەدە و دوای کۆنترۆڵکردنەوەی شاری مەککە (فەتحی مەککە) وە هیچ دەسەڵاتدار و لێپرسراوێک لە سعودیەدا نەچووەتە سەربانی کەعبە، بەڵام چوونە سەربانی کەعبە لە لایەن محەمەد درێژه‌ ...
خەندان- ڕۆژنامەی دەیلی مەیڵی بریتانی بڵاویكردوەتەوە، پەنابەرێكی کوردی ئێران دانی بەوەداناوە سێ ڕۆژ دوای ئەوەی هاوسەرەكەی پشتگیرینەكردوە لە داواكاری مانەوەی لە بریتانیا "هاوسەرەك درێژه‌ ...
وەزیری كۆچ و كۆچبەرانی عێراق دژایەتی خۆی بۆ بە زۆر ناردنەوەی كۆچبەرانی عێراقی رادەگەیەنێت و دەڵێت، پێویستە گەڕانەوەیان ئارەزومەندانە بێت. نەوفل بەها موسەوی، وەزیری كۆچ و كۆچبەرانی درێژه‌ ...
زیاتر لە پێنج ساڵە رێگە نەدراوە خێزانەكەی چاویان بە ئۆجەلان بكەوێت 20 ساڵ بەسەر دەستگیركردنی عەبدوڵا ئۆجەلان سەرۆكی پارتی كرێكارانی كوردستان پەكەكەدا، تێپەر دەبێت و زیاتر لە پێ درێژه‌ ...
لە توێژینەوەیەکی نوێی زانکۆی یۆتێبۆریدا ئاشکرا بووە کە کەسانی بێ بەڵگەو ناسنامە لە سویددا ڕەوشی دەروونییان و باری تەندرووستیان خراپە. لە توێژینەوەکەی زانکۆی یۆتێبۆریدا ١٠٤ کەسی درێژه‌ ...
پاش ئه‌وه‌ی له‌ ڕۆژانی ڕابردوو له‌ شاری باسل، مانهایم و لوكسه‌مبۆرگ ڕێپێوانی درێژمه‌ودا به‌ره‌و شاری ستراسبۆرگی فه‌ڕه‌نسا ده‌ستی پێكرد، ئه‌مڕۆ به‌شداربوانی هه‌موو قۆڵه‌كانی ڕێپێوان درێژه‌ ...
راپۆرتی پێشێلكاری مافی مرۆڤ له‌ مانگی ژانویەی ۲۰۱٩ کە بە هەوڵی کۆمەڵەی مافی مرۆڤی کوردستان و بە پشت بەستن بەو ڕاپۆرتانە کە لەلایەن كۆمه‌ڵه‌ی مافی مرۆڤی کوردستان بڵاوکراونەتەوە، کۆب درێژه‌ ...
ئەمڕۆ هەشتا ساڵ بەسەر دامەزراندنی بەشی زمانە بیانییەکانی ڕادیۆی سوید (Radio Sweden) دا تێپەڕ دەبێت. بەشی زمانە بیانییەکانی ڕادیۆی سوید (Radio Sweden) ئەمڕۆ بە شەش زمانی جیاوازی درێژه‌ ...
ئەندامێکى دەستەى گەورە زانایانى سعودیە ڕایگەیاند، هەموو پایەکانى هاوسەرگیریی حەڵاڵ لە مسیاردا هەیە و ئەوانەى ئەم جۆرە هاوسەرگیرییە دەکەن "ترسنۆک نین"، تەنها ئەوە هەیە ژنان دەست ل درێژه‌ ...
رووداو-هەولێر قەیرانی سیاسی و ئابووریی ڤەنزوێلا و سزاکانی ئەمریکا بۆ سەر ئەو وڵاتە سەدان هەزار کەسی ئاوارەی وڵاتانی دراوسێ و دوورتر کردووە. قەیرانەکە بەردەوامە و تادێت رەوشی ئاب درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   88
کۆی سه‌ردان:   17631494