|
په‌نابه‌رانی كورد له كه‌مپه‌كانی دوورگه‌كان نائومێد ده‌كرێن
هەژار تەها
مالمۆکورد
ماڵپه‌ری ڕۆژنامه‌ی گاردیان بلاَویكرده‌وه سه‌رۆك وه‌زیرانی ئوسترالیا داوایه‌كی كۆمه‌ڵه‌ی ته‌ندوستی ئوسترالیای سه‌باره‌ت به گواستنه‌وه‌ی په‌نابه‌ران بۆ ئوسترالیا ڕه‌تكردوه‌ته‌وه.
ئه‌و كۆمه‌ڵه‌یه پێشتر داوایه‌كیان ئاڕاسته‌ی سه‌رۆك وه‌زیرانی ئوسترالیا، سكۆت مۆریسن، كردووه به‌مه‌به‌ستی گواستنه‌وه‌ی په‌نابه‌رانی ژن و منداڵ له كه‌مپه‌كانی دوورگه‌ی ناورۆوه بۆ ئوسترالیا.
له به‌رامبه‌ردا ، سه‌رۆك وه‌زیرانی ئوسترالیا له‌پاش ڕه‌تكردنه‌وه‌ی داواكه ده‌ڵێت ئه‌و ئاماده نییه كه هیچ لایه‌نێكی سیاسه‌تی پاراستنی سنوره‌كانی ئوسترالیا بخاته مه‌ترسییه‌وه.
ئوسترالیا به‌رده‌وامه له پیاده‌كردنی سیاسه‌تی پاراستنی سنوره‌كانی ئه‌ویش له‌ڕێگه‌ی ده‌ستگیركردن و دیپۆرتكردنه‌وه‌ی كۆچبه‌رانی ده‌ریایی قاچاخه بۆ ئه‌و وولاَته‌ی كه سه‌ره‌تا له‌وێوه هه‌وڵیانداوه به قاچاخ بچن بۆ ئوسترالیا.
به‌گوێره‌ی زانیارییه میدیایه‌كان ، به‌شێك له په‌نابه‌رانی هه‌ردوو دوورگه‌ی ناورۆ و پاپانیوگینیا به‌ڕه‌گه‌ز كوردن.
سه‌رچاوه : ماڵپه‌ری ڕۆژنامه‌ی گاردیان
به‌روار: 24/09/2018
854 جار خوێندراوه‌ته‌وه
|