پەخشی کەناڵی ئێن ئاڕ تی لە دوێنێ شەوەوە ڕاگیراوە
٢٩ى ئابى ساڵى ڕابردوو، پارتى و یەکێتى لەڕێى وەزارەتى ڕۆشنبیرییەوە بە بیانووى بڵاوکردنەوەى ڕیکلامى جوڵانەوەى نەخێر بۆ ڕیفراندۆم، پەخشى ناوخۆیی کەناڵى ئێن ئاڕ تییان ڕاگرت، ئەمساڵیش لە هەمان ڕۆژدا بە هۆکارێکى نەزانراو جارێکیتر پەخشى ناوخۆیی کەناڵى ئێن ئاڕ تى لەلایەن دەسەڵاتەوە ڕاگیرا.

لە تازەترین پێشێلکارییدا بەرامبەر کەناڵى ئێن ئاڕ تى، لە شەوى سێشەممەوە پەخشى ناوخۆیى کەناڵى ئێن ئاڕ تی لە سلێمانى و هەولێر و دهۆک ڕاگیراوە، بەرپرسانی کەناڵەکەش دەڵێن تائێستا هۆکارى ڕاگرتنەکە نازانرێت.

هاوکات محەمەد گەردى بەڕێوەبەرى گشتى چاپ و بڵاوکردنەوە لە وەزارەتى ڕۆشنبیرى هەرێم بە ئێن ئاڕ تى ڕاگەیاند، وەزارەتەکەیان هیچ  کێشەیەکى یاسایی لەگەڵ ئێن ئاڕ تیدا نییە و ئاگادارى ڕاگرتنى پەخشەکەش نیین.

ڕاگرتنى پەخشى ناوخۆیی ئێن ئاڕ تى کاردانەوەى لێکەوتەوە و سەنتەرى میترۆ بۆ داکۆکیکردن لە مافی ڕۆژنامەنووسان لە ڕاگەیەندراوێکدا ڕاگرتنى پەخشى ناوخۆیی کەناڵەکەى ئیدانەکرد.

ئەمە بۆ جاری یەکەم نییە پەخشى ناوخۆیى ئێن ئاڕ تى لەلایەن حکومەتى هەرێمەوە کە پارتى و یەکێتى پێکهێنەرین ڕادەگیرێت بەڵکو لە ماوەی ڕابردوودا دوو جاری دیکە بە پاساوى جۆراوجۆر پەخشى ناوخۆیی ئێن ئاڕ تى ڕاگیراوە.

٢٩ى ئابى ساڵى ڕابردوو بۆ یەکەمجار پەخشى ناوخۆیی ئێن ئاڕ تى بە بڕیارى پارتى و یەکێتى لەڕێى وەزارەتى ڕۆشنبیرییەوە ڕاگیرا ئەویش بە پاساوى بڵاوکردنەوەى ڕیکلامى جوڵانەوەى نەخێر بۆ ڕیفراندۆم، لەکاتێکدا کەناڵەکە بە شێوەیەکى پیشەیی ڕووماڵى پێشهاتەکانى دەکرد و کار و چالاکى و ڕیکلامى بەرەى بەڵێى بۆ ڕیفراندۆمیش بڵاودەکردەوە.

بۆ جارى دووەمیش  لە ٢٥ى ئەیلولى ٢٠١٧دا، بە بڕیاری بارزانى پەخشی ناوخۆیی کەناڵی ئێن ئاڕ تی لە سەرتاسەری هەرێمی کوردستان ڕاگیرا.

جگە لە ڕاگرتنى پەخشى ناوخۆیی ئێن ئاڕ تى، لە ماوەى حەوت ساڵى ڕابردوودا کەناڵەکە ڕووبەڕووى چەندین پێشێلکارى دیکە بووەتەوە، بەجۆرێک سوتان و داخستن و دەرکردن و دەستگیرکردن و شکاندن و لێدان و ڕێگریکردن و ڕاگرتنی پەخش و پەلاماردان و سنورداشکردن، بوونەتە بەشێک لە نازناوى کەناڵەکە.

جگە لە هەڕەشەکانیش ساڵی ٢٠١٣ هەوڵی تیرۆرکردنی شاسوار عەبدولواحید درا و بە سەختی بریندارکرا.

پێشێلکارییەکان بەرامبەر ئێن ئاڕ تى وەک هەمیشە کاردانەوەى فراوانى هاوڵاتیانى لێدەکەوتەوە، بەشێک لە هاوڵاتیان دەڵێن لە هەرێمى کوردستان ٣٠ کەناڵی ئاسمانی و ٧٠ کەناڵی ناوخۆیی و زیاتر لە ٩٠٠ ڕۆژنامە و گۆڤار و سایتی ئەلکترۆنى هەیە، بەڵام تەنها یەک ئێن ئاڕ تی هەیە.

لەناو زیاتر لەو هەزار میدیای بینراو و بیستراو و کەناڵی ئاسمانی و ناوخۆییەدا، تەنها یەک کەناڵ دەسوتێنرێت، یەک کەناڵ دادەخرێت، ڕۆژنامەنوسانی یەک کەناڵ ئاودیوی دێگەڵە دەکرێن، ستاف و ڕۆژنامەنوسە ئازاکانی یەک کەناڵ ئازاردەدرێن، تەقە لە خاوەنی یەک کەناڵ دەکرێت، ئەویش پێیدەڵێن کەناڵی هاوڵاتییان، کەناڵی ئێن ئاڕ تی.

دەشڵێن گوێ مەدەنێ و دڵخۆشبن کە ئەم دەسەڵات و حزبانە پاداشتتان ناکەن، بەڵکو سزاتان دەدەن، هەرکات ئەمانە بەرامبەر ئێن ئاڕ تی نەکرا، ئەوا بزانن ئەو کەناڵە گرنگی خۆی و پێگەی خۆی لەدەستداوە
به‌روار:  29/08/2018
148   جار خوێندراوه‌ته‌وه
  بابه‌تی زیاتر ...
تەنها لە سنووری پارێزگای سلێمانی، لە ماوەی ٤٨ کاتژمێری ڕابردوودا سێ ژنی گەنج گیانیان لەدەستداوە، کە بە وتەی کەسوکارەکانیان "خۆیان خۆیان کوشتووە!"، لەگەڵ ئەوەشدا کەس باس لە هۆکاری درێژه‌ ...
( ئالبوم ) کەزاخاوی چاوم بەوێنەکانت ئاوئەدەم.. هاوڕێکانتا سەما دەکەیت لەتەك لەهەمویان، شۆخ وشەنگتر.. ئەتۆی هاوڕێت هەیە،موزیکیستە توانیوێتی، وێنەی ئەتۆ خەندەی، تێکەڵ ب درێژه‌ ...
داخستنی کەمپەکانی پەنابەران و گواستنەوەی خێزانەکان بۆ شارەکانی دیکە، کاریگەری خراپی لەسەر پرۆسەی فێربوونی مناڵان داناوە. ئەمەش هەروەک مامۆستایان تێبینیان کردووە. بڕیارە دەزگ درێژه‌ ...
چەکدارانی داعش دەبێ لەو شوێنەی بەدیل گیراون بدرێنە دادگا، بەپێی بۆچوونی وەزیری ناوخۆی سوید. میکایل دامباری وەزیری ناوخۆ دەڵێ هیچ هەوڵێک نادەن بۆ ئەوەی چەکدارانی داعش کە هاوڵاتی درێژه‌ ...
بەدرێژایی چەندین سەدە و دوای کۆنترۆڵکردنەوەی شاری مەککە (فەتحی مەککە) وە هیچ دەسەڵاتدار و لێپرسراوێک لە سعودیەدا نەچووەتە سەربانی کەعبە، بەڵام چوونە سەربانی کەعبە لە لایەن محەمەد درێژه‌ ...
خەندان- ڕۆژنامەی دەیلی مەیڵی بریتانی بڵاویكردوەتەوە، پەنابەرێكی کوردی ئێران دانی بەوەداناوە سێ ڕۆژ دوای ئەوەی هاوسەرەكەی پشتگیرینەكردوە لە داواكاری مانەوەی لە بریتانیا "هاوسەرەك درێژه‌ ...
وەزیری كۆچ و كۆچبەرانی عێراق دژایەتی خۆی بۆ بە زۆر ناردنەوەی كۆچبەرانی عێراقی رادەگەیەنێت و دەڵێت، پێویستە گەڕانەوەیان ئارەزومەندانە بێت. نەوفل بەها موسەوی، وەزیری كۆچ و كۆچبەرانی درێژه‌ ...
زیاتر لە پێنج ساڵە رێگە نەدراوە خێزانەكەی چاویان بە ئۆجەلان بكەوێت 20 ساڵ بەسەر دەستگیركردنی عەبدوڵا ئۆجەلان سەرۆكی پارتی كرێكارانی كوردستان پەكەكەدا، تێپەر دەبێت و زیاتر لە پێ درێژه‌ ...
لە توێژینەوەیەکی نوێی زانکۆی یۆتێبۆریدا ئاشکرا بووە کە کەسانی بێ بەڵگەو ناسنامە لە سویددا ڕەوشی دەروونییان و باری تەندرووستیان خراپە. لە توێژینەوەکەی زانکۆی یۆتێبۆریدا ١٠٤ کەسی درێژه‌ ...
پاش ئه‌وه‌ی له‌ ڕۆژانی ڕابردوو له‌ شاری باسل، مانهایم و لوكسه‌مبۆرگ ڕێپێوانی درێژمه‌ودا به‌ره‌و شاری ستراسبۆرگی فه‌ڕه‌نسا ده‌ستی پێكرد، ئه‌مڕۆ به‌شداربوانی هه‌موو قۆڵه‌كانی ڕێپێوان درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   37
کۆی سه‌ردان:   17640033