|
شەهید بوونی 5 گەریلا لە دەرسیم و جولەمێرگ
ناوەندی ڕاگەیاندن و چاپەمەنی هێزەکانی پاراستنی گەل 'هەپەگە'، ناسنامەی ئەو ٥ گەریلایەی ئاشکرا کرد کە لە شەڕەکانی دەرسیم و جولەمێرگدا شەهید بوون.
هەپەگە لە ڕاگەیەندراوێکی نوسراویدا ڕایگەیاند کە لە شەڕەکانی ناوچەی گەڤەری جولەمێرگ و دەرسیم پێنج گەریلا شەهید بوون. دوو گەریلایان لە جولەمێرگ و سێی تریشیان لە دەرسیم بە شێوەیەکی قارەمانانە شەڕیان کردووە و پاشان شەهید بوون.
دەربارەی ئەو بابەتە، هەپەگە ئەم زانیاریانەی لە ڕاگەیەندراوەکەیدا بڵاوکردووەتەوە:
ڕۆژی ٩ ی ئەم مانگە، کاتێک کە یەکینەیەکی ئێمە لە نزیک گوندی مەسکەنی سەر بە ناوچەی گەڤەری جولەمێرگ بە ئەرکی خۆیان هەڵدەستان، ڕووبەڕووی سەربازانی سوپای تورکیای داگیرکەر بوونەوە و شەڕ هاتە ئاراوە. لەو شەڕەدا ژمارەیەکی زۆر لە سەربازانی سوپای تورکیا کوژران. لەو شەڕەدا هەردوو هاوڕێمان ڕەشید و ڕزگار کە هەتا دوا فیشەکی خۆیان شەڕیان کرد، قارەمانانە شەهید بوون.
لە ڕاگەیەندراوی ڕۆژی 14 ی ئەم مانگەماندا ڕامانگەیاندبوو کە ڕۆژی 11 ی ئەم مانگە لە ناوچەی پلەمووری سەر بە دەرسیم، لە نێوان گروپێک لە گەریلاکانی ئێمە بە پێشەنگایەتی ئاتاکان ماهیر و هێزەکانی داگیرکەر تەواوی ڕۆژەکە شەڕ ڕوویدابوو. لەو شەڕەشدا لەگەڵ هاوڕێیانی ئێمەدا هەریەک لە ئاتاکان و ڕۆنی، ٤ گەریلای تر شەهید بوو بوون. پاش ئاشکرابوونی ناسنامەکانیان، ئێمە ناسنامەی ئەو گەریلایانە بۆ ڕای گشتیی ئاشکرا دەکەین. هاوڕێیانی ئێمە بە ناوەکانی ڕابوون، شۆڕش و زنار و هاوڕێیەکی ترمان کە سەر بە پارتی کۆمیناری شۆڕشگێڕ 'دەکەپە' و هێزە یەکگرتووەکانی ئازادی 'بۆگ' محەمەت عەلی کاسیرگا بە نازناوی بارش مستەفا کالافاتە.
ناسنامەی هەر پێنج گەریلا شەهیدەکەش بەم شێوەیە:
نازناو: ڕەشید سەردار
ناو و پاشناو: سەلیم یاڤوز کارائۆگلان
شوێنی لەدایکبوون: دیلۆک
ناوی دایک و باوک: مەلیحە – شێخۆ
شوێن و بەرواری شەهید بوون: جولەمێرگ – ڕۆژی ٩ ی تەباخ/١٨خەرمانانی ساڵی ٢٠١٨
نازناو: ڕزگار ئۆرەمار
ناو و پاشناو: فیکرەت فەندیک
شوێنی لەدایکبوون: جولەمێرگ
ناوی دایک و باوک: موحبەل – نەزمی
شوێن و بەرواری شەهید بوون: جولەمێرگ – ڕۆژی ٩ ی تەباخ/١٨ی خەرمانانی ساڵی ٢٠١٨
نازناو: ڕابوون زنار
ناو و پاشناو:سەروەت ئۆزالپ
شوێنی لەدایکبوون: مووش
ناوی دایک و باوک: حەسرەت – زولفەقار
شوێن و بەرواری شەهید بوون: دەرسیم – ڕۆژی ١١ ی تەباخ/٢٠خەرمانانی ساڵی ٢٠١٨
نازناو: شۆڕش ماسیرۆ
ناو و پاشناو:فورات کایا
شوێنی لەدایکبوون: مووش
ناوی دایک و باوک: ییلدز – چەلیک
شوێن و بەرواری شەهید بوون: دەرسیم – ڕۆژی ١١ ی تەباخ/٢٠خەرمانان ساڵی ٢٠١٨
نازناو: زنار جەسارەت
ناو و پاشناو: فەرید چاکار
شوێنی لەدایکبوون: ئەرزڕۆم
ناوی دایک و باوک: نەجلا – سیراجەددین
شوێن و بەرواری شەهید بوون: دەرسیم – ڕۆژی ١١ ی تەباخ/٢٠خەرمانانی ساڵی ٢٠١٨
لە کۆتایی ڕاگەیەندراوەکەیدا، هەپەگە سەرەخۆشی لە بنەماڵەی شەهیدان کردووە و بەڵێنی بەردەوامیی تێکۆشانیان دووپاتکردووەتەوە و تێیدا هاتووە:
بە تایبەتی سەرەخۆشیی لە بنەماڵەی شەهیدان و بە گشتییش سەرەخۆشیی لە تەواوی گەلە وڵاتپارێزەکەمان دەکەین و هەتا هیوا و ئاواتی هەڤاڵانمان بەدی نەهێنین، بە هەموو هێزی خۆمان بەردەوامیی بە تێکۆشان دەدەین."
فورات نیوز
به‌روار: 27/08/2018
717 جار خوێندراوه‌ته‌وه
|