|
ئەڵمانیا وڵاتی پەنابەرانە و هەرواش دەمێنێتەوە
(سبەی):
سەرۆکی ئەڵمانیا رایدەگەیەنێت؛ وڵاتەکەی بوەتە وڵاتی پەنابەران و بەوشێوەیەش دەمێنێتەوە و دژایەتی خۆیشی بۆ جیاکاری رەگەزی دوپاتکردوە.
فرانک ڤالتەر شتانمایەر، سەرۆکی ئەڵمانیا دوای کۆبونەوەی لەگەڵ گروپێک لە هاوڵاتیانی ئەڵمانی بەرەچەڵەک تورک، ئیدانەی هەمو جۆرە جیاکارییەکی رەچەڵەکی کرد دژ بە هاوڵاتیان و رونیکردەوە، کە کەس نابێت حاشا لە رەگەزی خۆی بکات.
سەرۆکی ئەڵمانیا ئاماژەی بەوەکرد، وڵاتەکەیان بوەتە وڵاتی پەنابەران و هیچ هاوڵاتیەک نییە ئەڵمانیی تەواوەتی بێت یاخود رەچەڵەکی بیانی هەبێت، یاخود هاوڵاتیی بون پلەی هەبێت، بەڵکو ئەڵمانیایەکی یەکگرتو هەیە کە هاوڵاتییەکانی هاوتان لە ماف و ئەرکدا.
باسی لەوەشکرد، کە چیرۆکی ئەو پەنابەرانی لە ئیتاڵیا و یۆنان و تورکیاوە رویان کردوەتە ئەڵمانیا، بوە بە بەشێک لە بنەچەی ئەڵمانیا و هەروەها داواشی کرد کە وڵاتەکەی یاسایەکی رونی هەبێت لەبارەی پێدانی مافەی پەنابەرێتییەوە.
به‌روار: 23/08/2018
1350 جار خوێندراوه‌ته‌وه
|