|
سوید هاوسەرگیری مناڵان پەسەند ناکا
حکومەت تەنها دوو هەفتە بەر لە هەڵبژاردنەکانی ئەمساڵ بڕیاریدا کە گرێبەستی هاوسەرگیری لەگەڵ منداڵ کە لەدەرەوەی وڵات ئەنجامدراوە لە سویددا پەسەند نەکرێت.
ئەمە لە کاتێکدا کە ئەنجوومەنی یاسایی سوید (Lagrådet) ئەم پێشنیازە ڕەتدەکاتەوە، بەڵام وەزیری کۆچی سوید هیلێن فریتزون سوورە لەسەر ئەم بڕیارە و دەڵێ.
ئەم بڕیارە مافەکانی منداڵان بەهێز دەکات و حکومەت لەم ڕووەوە زۆر جدییە، لەبەر ئەوەی منداڵ دەبێ منداڵ بێت.
لە سویددا ئەو کەسەی تەمەنی لە خوار ١٨ ساڵەوە مافی هاسەرگیری کردنی نییە و قەدەغەیە. بەڵام لە چەندین وڵاتی دیکە یاساکان سەبارەت بەم پرسە جیاوازن.
بۆیە هەتاوەکو ئێستا ئەو هاسەرگیریانەی لە دەرەوەی وڵاتی سوید ئەنجامدراون ئەگەر کەسەکەش لە ژێر ١٨ ساڵەوە بوو بێت، لە سویدیشدا گرێبەستی هاوسەرگیرییەکەی پەسەند کراوە.
بەڵام بەپێی ئەم پرۆژە یاسایەی حکومەت بڕیاری لەسەرداوە، ئەگەر یەکێک لە کەسەکانە تەمەنیان لەکاتی ئەنجامدانی هاوسەرگیرییەکەدا منداڵ بوو،وە کاتێک هاتبێتە سوید تەمەنی هەر لە خوار ١٨ ساڵەوە بوو بێ، ئەوا ئەو گرێبەستی هاوسەرگیرییە لە سویددا لە داهاتوودا پەسەند ناکرێت.
ئەگەر تەمەنی یەکێک لەو کەسانەی لە وڵاتەکانی خۆیان بە شوودرابن یان ژنیان بۆ هێندرابێت و تەمەنیان لە خوار ١٨ ساڵەو بێت، بەڵام لە کاتی هاتنیان بۆ سوید تەمەنیان ١٨ ساڵی پڕ کردبێتەوە، ئەوا ئەم یاسا ئەوان ناگرێتەوە.
گوێ لە ڕاپۆرتەکە بگرە
به‌روار: 23/08/2018
744 جار خوێندراوه‌ته‌وه
|