ساڵیادى فتواکەى خومەینى لە دژى رۆژهەڵاتى کوردستان
رۆژی ١٩ى ئابی ١٩٧٩ / ٢٨ى گەلاوێژی ١٣٥٨ى کۆچی هەتاوی و هاوکات لەگەڵ گەشەى بزووتنەوەى گەلی کورد لە رۆژهەڵاتى کوردستان و یەک ساڵ لە دواى هاتنە سەر کاری رژێمى کۆمارى ئیسلامیى ئێران، خومەینى دامەزرێنەرى ئەو رژێمە  فتوایەکى لە دژى گەلی کورد لە رۆژهەڵاتى کودستان دەرکرد.

روحوڵا خومەینى دامەزرێنەری کۆمارى ئیسلامیى ئێران وەڵامى داوا رەواکانى خەڵکى رۆژهەڵاتى کوردستان، کە خۆى لە دیموکراسی و مافى خۆبەڕێوەبەری بۆ رۆژهەڵاتى کوردستان دا دەبینیەوە، بە ئەنجامدانى هێرشى سەربازی، لەسێدارەدان و کوشتاری بە کۆمەڵ و فتوا دەرکردن لە دژى گەلی کورد دایەوە.

لە دواى فتواکەى خومەینى لە دژى خەڵکى رۆژهەڵاتى کوردستان ئەرتەش و سوپاى پاسدارانى کۆمارى ئیسلامیى ئێران دەستیانکرد بە لەشکرکێشی بۆ سەر رۆژهەڵاتى کوردستان. هاوکات سادق خەڵخاڵی وەک حاکم شەرع رەوانەى کوردستان کرد. لەبەر ئەوەى فتوا لە دژى کورد دەرکرابوو، ئەو هێزانە هەموو کوردیان بە کافر دەزانی و کوشتنى کوردیان بە رەوا دەزانی، لەبەر ئەوەش سڵیان لە کوشتنى هیچ کەسێک نەکردەوە و سەدان هاووڵاتیى مەدەنییان کوشت.

جگە لە ئەنجامدانى هێرشى سەربازیى ئەرتەش و سوپاى پاسداران، سەدان کەس لە گەنجان، کە وەک دەستەبژێرانى رۆژهەڵاتى کوردستان بوون دەستگیرکران و لەو دادگایانەدا کە سادق خەڵخاڵى بەڕێوەى دەبردن لە ماوەى یەک خولەکدا بە خێرایى سزای لەسێدارەدانیان بەسەردا دەسەپێنرا و لە سێدارە دەدران.

سەربارى هێرشی توند و دڕندانەى رژێمى خومەینى لە دژى گەلی کورد، گەلەکەمان لە رۆژهەڵاتى کوردستان خۆى بە دەستەوە نەدا و لە شارەکانى سنە، سەقز، بانە و پاوە و چەندین شوێنى تر خۆڕاگری و بەرخۆدانى مێژووییان لە دژى رژێمى ئێران تۆمار کرد.

نمونەى بەرچاوى ئەو بەرخۆدانە، خۆڕاگریى ٢٤ى رۆژەى شارى سنە بوو لە دژى هێرشەکەى رژێمى خومەینى. لەگەڵ ئەوەى سنە لە هەر چوار لاوە گەمارۆ درابوو و بە چڕى لەلایەن فڕۆکە و کۆپتەرە جەنگییەکان و تۆپخانە و تانکەکانەوە بۆردومان دەکرا، بەڵام هێزى گەل لە سنە بۆ ماوەى ٢٤ رۆژ بەرخۆدانى کرد و ریگاى لە پێشڕەویى هێزە چەکدارەکانى ئێران گرت.

هەر لەو کاتەدا ئەبولحەسەن بەنی سەدر سەرۆک کۆماری ئەو کاتى رژێمى کۆمارى ئیسلامیى ئێران لە وتەیەکیدا بۆ هێزە چەکدارەکانى رژێمەکەى وتى: "نابێت هێزەکانى ئەرتەش قەیتانى پۆستاڵەکانیان بکەنەوە تا ئەو کاتەى ئاژاوەى کوردستان لەناو دەبەن و یاخیبووەکان دەکوژن".

ئێستاش لە ٣٩هەمین ساڵیادى فتواکەى خومەینى بۆ کوشتاری خەڵکى رۆژهەڵاتىت کوردستان، دەسەڵاتى ئێران درێژە بە پێشێلکردنى مافە رەواکانى گەلی کورد دەدات. کۆمارى ئیسلامى لە ماوەى ٤٠ ساڵى رابردوودا بەردەوام بووە لە تاڵانکردن، چەوساندنەوەى کوردەکان، تێکدانى ژینگەى کوردستان، دروستکردنى دووبەرەکى لە نێوان هاووڵاتییانی کوردستاندا، برەودان بە ماددە هۆشبەرەکان و لەشفرۆشی، برەودان بە بێکاری، برەودان بە دروستکردنى گروپى بەسیج لە دژى کۆمەڵگە، دەستگیرکردن و لەسێدارەدان و بڕینەوەى سزاى زیندانیى درێژخایەن. بە چاوى هاووڵاتى پلە نزم سەیری هاووڵاتییانى کوردستان لە شیعەوە بۆ سونە، هەموو پێکهاتە ئایینی و زمانییە جیاوازەکانى کوردستان لە ٧ پارێزگای زاگرۆس و باکوورى خوراسان دەکات.  

سەربارى ئەوەى حکومەتى کۆمارى ئیسلامیى ئێران وەڵامی داوا رەواکانى گەلی کورد و گەلانى ترى ئێرانى بە سەرکوتکردن و کوشتار داوەتەوە، بەڵام گەنجان و ژنانى رۆژهەڵاتى کوردستان لەسەر بنەماى نەتەوەى دیموکراتیک و رامان و فەلسەفەى عەبدوڵا ئۆجالان، رۆڵی پێشەنگ لە تێکۆشانیان لە ئەستۆ گرتووە و ئەمڕۆ رێکخراوترین هێزى کۆمەڵایەتى، سیاسی، رۆشنبیری و سەربازییان هەیە، کە بووەتە هۆی دڵەڕاوکێى و ترسی حکومەتى ئێران و گروپە مەیلەو ئۆپۆزسیۆنە دەسەڵاتخوازەکانی دەرەوەى ئێران.

ر.م
فورات نیوز
به‌روار:  19/08/2018
519   جار خوێندراوه‌ته‌وه
  بابه‌تی زیاتر ...
جەبار و ترەمپ . دەڵین جەبار شاگردبوو لای وەستایەك ؛ ڕۆژێك بەوەستاکەی ووت :- وەستا دەزانی پارێزگار هاوڕێمە . وەستا ووتی :- کاتی فشەفش نییە جەبار . ڕۆژێك پارێزگار بەولا تێپەڕی وئو درێژه‌ ...
بەرێوەبەرایەتی گشتیی پۆلیسی هەولێر ڕایدەگەیەنێت، شەوی ڕابردوو کارمەندێکیان"بەهۆی کێشەی قەرزەوە کۆتایی بەژیانی خۆی هێناوە" شەوی ڕابردوو کارمەندێکی پۆلیسی هەولێر بەناوی ڕەمەزا درێژه‌ ...
بارودۆخی ناهەموواری چەند ساڵەی وڵاتی عێراق، تەنیا وا لە هاوڵاتیانی ناكات كە ناچاربن وڵاتەكەیان جێبهێڵن و بۆ دەستكەوتنی ژیانێكی ئارام و دوور لە ململانێ و شەرو ئاژاوە سەری خۆیان بەرە درێژه‌ ...
لە چوار ساڵی ڕابردوودا ژمارەی ئەو پەناخوازانەی بە خواستی خۆیان سوید بەجێ دەهێڵن و دەگەڕێنەوە عێراق کەمی کردووە. بەگشتی و لە نێو گشت ئەو پەناخوازنەی بە خواستی خۆیان سوید بەجێ دەه درێژه‌ ...
ئەمڕۆ یەكشەممە هەواڵێكی نوێ لە میدیاكاندا لەبارەی ڕێوشوێنێكی توندی فڕۆكەخانەكانی توركیا دەرهەق بە گەشتیارانی ئەورووپا بڵاوبووەوە، كە لەمەودوا هیچ گەشتیار و ڕێبوارێك ناتوانێ بە بێ درێژه‌ ...
دوای گه‌شتێكی پڕ له‌ماندوێتی دورو درێژو ڕزگاركردنی ده‌یان كۆچبه‌ر له‌نقومبوون له‌ده‌ریای ناوه‌ڕاستدا، ستافی كه‌شتی به‌هاناوه‌ چوونی"ئالان كوردی"ی سه‌ر به‌ڕێكخراوی"سی ئای" ئه‌ڵمانی درێژه‌ ...
خەندان- ناوەندنی راگەیاندنی هێزەکانی سوریای دیموکرات (هەسەدە) رایگەیاند، شەڕڤانان لە ئۆپەراسیۆنێکدا توانیویانە وەزیری نەوتی داعش کە یەکێک بوە لە دیارترین سەرکردەکانی داعش لە سو درێژه‌ ...
وەزیری دەرەوەی عێراق، داوای لە وڵاتانی یەکێتی ئەوروپا کرد کارئاسانی بکەن لە پێدانی ڤیزای شنگن بەو هاوڵاتییانەی کە خواستیان هەیە بەمەبەستی گەشتوگوزار، خوێندن و بازرگانی سەردانی ئەور درێژه‌ ...
هه‌زارجار...غه‌ریبى!!! خه‌ڵات عومه‌ر وه‌ك تۆچۆن باوه‌ڕت به‌وه‌یه‌ هێندێك شت ڕاسته‌ وهێندێك شتى تریش هه‌ڵه‌یه‌ ،كه‌سانى تریش هه‌ن باوه‌ڕیان وایه‌ ڕاستیه‌كانى تۆهه‌ڵه‌و ،هه‌ڵه‌ درێژه‌ ...
زەمەن"فەرهاد پیرباڵ شەوی ڕابردوو ماڵی وەفایی لە شاری هەولێر سوتاند و دەڵێت ئەوەی کە کردویەتی پەیامێکە بۆ پەرلەمان. فەرهاد پیرباڵ لە پێگەی تایبەتی خۆی لە فەیسبووک لە بارەی هۆکاری سو درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   109
کۆی سه‌ردان:   18044304