لەسوید جاران یاسایەک و ئێستا یاسایەکی تر لەسەر پەنابەران هەیە
دەبێ وڵاتانی ئەوروپا سیاسەتێکی هاوبەشیان بۆ پرسی کۆچ هەبێت


ستێفان لوڤێن دەڵێ ناکرێ سوید سیاسەتی کۆچبەری تایبەت بەخۆی هەبێ و دەبێ وڵاتانی یەکییەتی ئەوروپا سیاسەتێکی هاوبەشیان بۆ ئەم پرسە هەبێت. لوڤێن هاوکات توڕەیی و بێزاری خۆی سەبارەت بە ڕووداوەکانی سوتاندنی ئوتۆمبیل لە شەوی ڕابردوودا دەربڕی.

لە درێژەی بەرنامەی داوەتکردنی سەرۆکی پارتە سیاسییەکان بۆ ناو ستۆدیۆی ڕادیۆ سوید، تا سەبارەت بە هەڵبژاردن و بەرنامە و پلانەکانیان وەڵامی رۆژنامەنووسان و گوێگرانی ڕادیۆ بدەنەوە، ئەمرۆ نۆرەی ستێفان لوڤێنی سەرۆکوەزیر و سەرۆکی پارتی سوسیال دیموکراتەکان بوو.

هاتنی ستێفان لوڤین هاوکات بوو لەگەڵ ڕووداوەکانی شەوی ڕابردووی سوتاندنی ئوتۆمبیل لە ناوچەکانی باشوور و ڕۆژئاوای سوید کە تیایدا نزیکەی ٩٠ ئۆتۆمبێل ئاگریان تێبەردرا. ستیفان لوڤین توڕەیی و بێزاری خۆی لەم کارە دەربڕی و ڕووی پرسیاری کردە ئەوانەی ئەو پشێویەیان ناوەتەوە و گوتی:

"هەر بەڕاست ئێوە چی دەکەن و خەریکی چین؟ ئەوە ڕووداوێکی ئاسایی نییە، زیاتر لە کارێکی ئۆرگانیزەکراو و ئۆپراسیۆنی سەربازی دەچێ."

سەبارەت بە قەیرانی کۆچبەران، لوڤێن بەشێکی هۆکاری ئەو قەیرانەی خستە سەر شانی حکومەتی پێشووی هاوپەیمانان. ئەو ئاماژەی بەوە کرد کە ئەو سیاسەتەی ئەوان لە پرسی کۆچبەریدا دایانڕشتبوو، بووە هۆی ئەوەی خەڵکێکی زیاتر روو لە سوید بکەن. هاوکات ئاماژە بەوە دەکات کە سوید ئەوەی لە توانایدا بووە کردوویەتی و ناکرێ لەوە زیاتر کراوە بین. ئەو کات ئێمە یاسایەکمان هەبوو و ئێستا یاسایەکی ترمان هەیە سەبارەت بە پرسی کۆچبەری. بەڵام ئێمە ئیتر لەسەر ئەو باوەڕەین کە پێویستە یاسایەکی هاوبەشمان هەبێت لەگەڵ وڵاتانی یەکیەتی ئەوروپا.

لەوەڵامی ئەو پرسیارەدا کە ئایا ئەوە دژیەکی نییە کە ئێوە لەلایەک داوایا یاسای هاوبەش و توندتری کۆچبەری دەکەن و لە لایەکی تریشەوە یاسای تایبەت بۆ  ٩ هەزار مناڵی بەتەنیا هاتوو دەردەکەن تا شانسێکی تریان هەبێ بۆ وەرگرتنی مۆڵەتی مانەوە، سەرۆکوەزیران دەڵێ، ئەو دوو شتە لەیەک جیاوازن. ئەو ڕووداوانەی لە پایزی ٢٠١٥ بۆ دواوە ڕویان دا ڕوودای ئاوارتە و نائاسایی بوون، ئەو یاسایانەش، تەنیا بۆ یەکجار و بە تایبەتیش بۆ ئەو حاڵەتە ئاوارتەیە ئامادەکراون. هۆکارەکەشی ئەو ڕێزپەڕ نیشاندانە بۆ ئەو کەسانە ئەوەیە کە ئەوان بۆ ماوەیەکی زۆر درێژ و تەنانەت چەند ساڵ چاوەڕوان بوونە تا پیڕاگەیشتن بە دۆسیەکانیان بکرێ. 

 

پرسی خۆشگوزەرانی یەک لە پرسە گرینگەکانی تری قسەکانی ستێفان لوڤێن بوو. لوڤێن گوتی ئەوان هەر لە ماوەی حوکمڕانی ڕابردوویاندا نزیکەی ٣٥ ملیارد کرۆنیان بۆ پرسە پەیوەندیدارەکان بە خۆشگوزەرانی هاوڵاتیان تەرخان کردووە و پلانیان ئەوەیە لانی کەم سی ملیاردی تریش لە داهاتوودا بۆ ئەم پرسە تەرخان بکەن.

گوێ لە ڕاپۆرتەکە بگرە
به‌روار:  14/08/2018
903   جار خوێندراوه‌ته‌وه
  بابه‌تی زیاتر ...
جەبار و ترەمپ . دەڵین جەبار شاگردبوو لای وەستایەك ؛ ڕۆژێك بەوەستاکەی ووت :- وەستا دەزانی پارێزگار هاوڕێمە . وەستا ووتی :- کاتی فشەفش نییە جەبار . ڕۆژێك پارێزگار بەولا تێپەڕی وئو درێژه‌ ...
بەرێوەبەرایەتی گشتیی پۆلیسی هەولێر ڕایدەگەیەنێت، شەوی ڕابردوو کارمەندێکیان"بەهۆی کێشەی قەرزەوە کۆتایی بەژیانی خۆی هێناوە" شەوی ڕابردوو کارمەندێکی پۆلیسی هەولێر بەناوی ڕەمەزا درێژه‌ ...
بارودۆخی ناهەموواری چەند ساڵەی وڵاتی عێراق، تەنیا وا لە هاوڵاتیانی ناكات كە ناچاربن وڵاتەكەیان جێبهێڵن و بۆ دەستكەوتنی ژیانێكی ئارام و دوور لە ململانێ و شەرو ئاژاوە سەری خۆیان بەرە درێژه‌ ...
لە چوار ساڵی ڕابردوودا ژمارەی ئەو پەناخوازانەی بە خواستی خۆیان سوید بەجێ دەهێڵن و دەگەڕێنەوە عێراق کەمی کردووە. بەگشتی و لە نێو گشت ئەو پەناخوازنەی بە خواستی خۆیان سوید بەجێ دەه درێژه‌ ...
ئەمڕۆ یەكشەممە هەواڵێكی نوێ لە میدیاكاندا لەبارەی ڕێوشوێنێكی توندی فڕۆكەخانەكانی توركیا دەرهەق بە گەشتیارانی ئەورووپا بڵاوبووەوە، كە لەمەودوا هیچ گەشتیار و ڕێبوارێك ناتوانێ بە بێ درێژه‌ ...
دوای گه‌شتێكی پڕ له‌ماندوێتی دورو درێژو ڕزگاركردنی ده‌یان كۆچبه‌ر له‌نقومبوون له‌ده‌ریای ناوه‌ڕاستدا، ستافی كه‌شتی به‌هاناوه‌ چوونی"ئالان كوردی"ی سه‌ر به‌ڕێكخراوی"سی ئای" ئه‌ڵمانی درێژه‌ ...
خەندان- ناوەندنی راگەیاندنی هێزەکانی سوریای دیموکرات (هەسەدە) رایگەیاند، شەڕڤانان لە ئۆپەراسیۆنێکدا توانیویانە وەزیری نەوتی داعش کە یەکێک بوە لە دیارترین سەرکردەکانی داعش لە سو درێژه‌ ...
وەزیری دەرەوەی عێراق، داوای لە وڵاتانی یەکێتی ئەوروپا کرد کارئاسانی بکەن لە پێدانی ڤیزای شنگن بەو هاوڵاتییانەی کە خواستیان هەیە بەمەبەستی گەشتوگوزار، خوێندن و بازرگانی سەردانی ئەور درێژه‌ ...
هه‌زارجار...غه‌ریبى!!! خه‌ڵات عومه‌ر وه‌ك تۆچۆن باوه‌ڕت به‌وه‌یه‌ هێندێك شت ڕاسته‌ وهێندێك شتى تریش هه‌ڵه‌یه‌ ،كه‌سانى تریش هه‌ن باوه‌ڕیان وایه‌ ڕاستیه‌كانى تۆهه‌ڵه‌و ،هه‌ڵه‌ درێژه‌ ...
زەمەن"فەرهاد پیرباڵ شەوی ڕابردوو ماڵی وەفایی لە شاری هەولێر سوتاند و دەڵێت ئەوەی کە کردویەتی پەیامێکە بۆ پەرلەمان. فەرهاد پیرباڵ لە پێگەی تایبەتی خۆی لە فەیسبووک لە بارەی هۆکاری سو درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   125
کۆی سه‌ردان:   18044198