هەدەپە لە سوید یەکەمە
Raporte be Deng

Li gor encamên destpêkê di nav hevwelatiyên Tirkî yên derve de Erdogan ji %60ê degan distîne. Lê li Swêdê HDP partiya yekem e.

Duh 24ê hezîranê li Tirkiyê hilbijartinên serokkomarî û parlamentoyê hatine kirin. Li gor encamên hatine eşkere kirin Erdogan piraniya dengan bi dest xistiye û şevê din wî serkevtina xwe îlan kir.

Li gor encamên ku Desteya Bilind a Hilbijartina Tirkiyê eşkere kirin Recep Tayyip Erdogan ji %52ê dengan bi dest xist.

Herçend muxalefet ji pêvajoya hilbijartinê û awayê eşkerekirina dengan nerazî ye jî şevê din namzetê CHPê Muharrem Ince ragihand ku Erdogan qezenc kiriye, yanî ne bi dilê wî jî be serkeftina Erdogan qebûl kir. 

Di hilbijartina parlamentoyê de jî dengên partiya Erdogan AKP û partiya hevkar MHPê gava mirov têxe ser hev ew di meclisê de dibine piranî.

Hêjayî gotinê ye ku Partiya Demokratîk a Gelan HDPê jî zêdetir ji %11ê dengan stand û dikeve meclisê de.

DENGÊN DERVEYÎ TIRKIYÊ
Nêzîkê 1.4 mîlyon hevwelatiyên Tirkiyê yên derveyî welêt jî çûbûne ser sindoqan. Di nav van dengan de jî piştgiriyeke xurt ji bo Erdogan û partiya wî tê dîtin. Heta piştgiriya ji bo Erdogan di nav hevwelatiyên derve de ji yên hundir bilindtir e.

Li gor encamên ku heta niha hatine eşkere kirin AKPê ji %52, CHP û HDPê her yekî ji %17 van dengan standine.

Piştgiriya ji bo Erdogan di nav hevwelatiyên Tirkî yên derve de ji %60 e. Muharrem Ince %26 û Selahattin Demirtaş %11ê dengan aniye.

DENGÊN SWÊDÊ
Ji dengên ku ji Swêdê çûne heta niha ji %82 hatine hejmartin. Li gor vê jî Erdogan %44, Selahattin Demirtaş %30 û Muharrem Ince %22ê dengan standine. 

Lê di nav partiyan de li Swêdê HDPê bi %38ê dengan herî zêde piştgirî standiye. AKPê %35 û CHP %13 aniye.

Wek me got ev encam ne yên dawî û resmî ne. Piştî ku %82 dengên Swêdê hatine hejmartin ev xuya dike.

Gava tevahiya dengan hatinte hejmartin em ê ji we re ragihînin bê kîjan partiyê û namzetî tam çend deng standine.

ÇAVDÊRÊN HILBIJARTINÊ
Derbarê pêvajoya hilbijartinê de gelek nerazîbûn û rexne li desthilatdariya Tirkiyê dihatine kirin. Îcar ji rêxistina ewrûpî ya bi navê Ewlekarî û hevkariya li Ewrûpa (OSSE) çavdêrên hilbijartinê çûbûne Tirkiyê. Heftiya derbasbûyî me ragihandibû ku gereke ji Swêdê çar kesan di heyetê de cî girtibane, lê ji ber ku Tirkî parlamenterê Partiya Jîngehê Jabar Amin vegerand, ji Swêdê hejmara parlamenterên ku çûn mane sê û hersê jî ji partiya Moderatan bûn. Yek ji çavdêran Margareta Cederfelt bû ku li bajarê Samsunê ya nêzîkî Derya Reş hilbijartin şopandiye

Me li lîsteya hilbijartinê, bê dengdan çawa dihate kirin û bê deng çawa dihatine hejmartin dimeyizand. Me herwiha dinêrî bê protokol çawa dihatine danîn û radestî asta din bi çi rengî dihatine kirin.

Cederfeldt radigihîne ku ew bi giştî derdorê 300 çavdêrî bûn. Û ji ber ku îro OSSE wê raporeke berfireh biweşîne ew naxwaze tu şîroveyan bike, lê dibêje wek nimûne li hin ciyan polîs nedihişt ew derbasî ciyên dengdanê bibin.

SWÊD ÇI DIBÊJE? 
Çapemeniya Swêdê ciyekî berfireh dide hilbijartinên Tirkiyê û bi giştî tê ragihandin ku li Tirkî desthilatdarî dikeve destê zilamekî de.

Dagens Nyheter dibêje serok niha dibe zilamê bi tenê û şîrovegerê Svenska Dagbladet ku balê dikişîne ser aboriya xerab a Tirkiyê dinivîse ku aloziya navbera Tirkî û Yekîtiya Ewrûpa de wê dewam bike. 

Qunciknivîsê Aftonbladetê Wolfgang Hansson di nivîsa xwe ya bi bi navê ”Gelo em oxirê ji demokrasiya Tirkî bixwazin” gotiye Erdogan dibe mîna dîktatorekî.

Qunciknivîsê Expressenê Kassem Hamadé jî nivîsiye ku ”Tirkî gaveke din nêzîkî rejimeke totaliter bûye”

Ji aliyê resmî ve heta niha Swêdê li ser hilbijartinên Tirkî tu daxuyanî nedaye. Lê serokê Partiya Çep Jonas Sjöstedt jî di nav de çendîn siyasetvanan ji ber encama ku HDPê standiye kêfxweşiya xwe diyar kirine.


به‌روار:  26/06/2018
301   جار خوێندراوه‌ته‌وه
  بابه‌تی زیاتر ...
تەنها لە سنووری پارێزگای سلێمانی، لە ماوەی ٤٨ کاتژمێری ڕابردوودا سێ ژنی گەنج گیانیان لەدەستداوە، کە بە وتەی کەسوکارەکانیان "خۆیان خۆیان کوشتووە!"، لەگەڵ ئەوەشدا کەس باس لە هۆکاری درێژه‌ ...
( ئالبوم ) کەزاخاوی چاوم بەوێنەکانت ئاوئەدەم.. هاوڕێکانتا سەما دەکەیت لەتەك لەهەمویان، شۆخ وشەنگتر.. ئەتۆی هاوڕێت هەیە،موزیکیستە توانیوێتی، وێنەی ئەتۆ خەندەی، تێکەڵ ب درێژه‌ ...
داخستنی کەمپەکانی پەنابەران و گواستنەوەی خێزانەکان بۆ شارەکانی دیکە، کاریگەری خراپی لەسەر پرۆسەی فێربوونی مناڵان داناوە. ئەمەش هەروەک مامۆستایان تێبینیان کردووە. بڕیارە دەزگ درێژه‌ ...
چەکدارانی داعش دەبێ لەو شوێنەی بەدیل گیراون بدرێنە دادگا، بەپێی بۆچوونی وەزیری ناوخۆی سوید. میکایل دامباری وەزیری ناوخۆ دەڵێ هیچ هەوڵێک نادەن بۆ ئەوەی چەکدارانی داعش کە هاوڵاتی درێژه‌ ...
بەدرێژایی چەندین سەدە و دوای کۆنترۆڵکردنەوەی شاری مەککە (فەتحی مەککە) وە هیچ دەسەڵاتدار و لێپرسراوێک لە سعودیەدا نەچووەتە سەربانی کەعبە، بەڵام چوونە سەربانی کەعبە لە لایەن محەمەد درێژه‌ ...
خەندان- ڕۆژنامەی دەیلی مەیڵی بریتانی بڵاویكردوەتەوە، پەنابەرێكی کوردی ئێران دانی بەوەداناوە سێ ڕۆژ دوای ئەوەی هاوسەرەكەی پشتگیرینەكردوە لە داواكاری مانەوەی لە بریتانیا "هاوسەرەك درێژه‌ ...
وەزیری كۆچ و كۆچبەرانی عێراق دژایەتی خۆی بۆ بە زۆر ناردنەوەی كۆچبەرانی عێراقی رادەگەیەنێت و دەڵێت، پێویستە گەڕانەوەیان ئارەزومەندانە بێت. نەوفل بەها موسەوی، وەزیری كۆچ و كۆچبەرانی درێژه‌ ...
زیاتر لە پێنج ساڵە رێگە نەدراوە خێزانەكەی چاویان بە ئۆجەلان بكەوێت 20 ساڵ بەسەر دەستگیركردنی عەبدوڵا ئۆجەلان سەرۆكی پارتی كرێكارانی كوردستان پەكەكەدا، تێپەر دەبێت و زیاتر لە پێ درێژه‌ ...
لە توێژینەوەیەکی نوێی زانکۆی یۆتێبۆریدا ئاشکرا بووە کە کەسانی بێ بەڵگەو ناسنامە لە سویددا ڕەوشی دەروونییان و باری تەندرووستیان خراپە. لە توێژینەوەکەی زانکۆی یۆتێبۆریدا ١٠٤ کەسی درێژه‌ ...
پاش ئه‌وه‌ی له‌ ڕۆژانی ڕابردوو له‌ شاری باسل، مانهایم و لوكسه‌مبۆرگ ڕێپێوانی درێژمه‌ودا به‌ره‌و شاری ستراسبۆرگی فه‌ڕه‌نسا ده‌ستی پێكرد، ئه‌مڕۆ به‌شداربوانی هه‌موو قۆڵه‌كانی ڕێپێوان درێژه‌ ...
ژماره‌ی بابه‌ت
مافەکان پارێزراوە بۆ مالمۆکورد
میوانی سه‌رهێڵ:   137
کۆی سه‌ردان:   17640148